Avropa İnsan Hüquqları Məhkəməsi hazırda həbsdə olan “Kanal-13” internet kanalının rəhbəri Əziz Orucovun (Qaraşoğlu) şikayətinə prioritet qaydada baxılacağı gözlənilir. Bu barədə jurnalistin vəkili Cavab Cavadov məlumat verib. Vəkilin sözlərinə görə, Strasburq Məhkəməsinə göndərilən şikayətdə prioritet qaydada baxılması istənilib.
Vəkil xatırladıb ki, Avropa İnsan Hüquqları Məhkəməsinin əsasnaməsində edilən dəyişikliyə əsasən jurnalistlərin şikayətlərinə prioritet baxılması nəzərdə tutulur.
Vəkil bildirib ki, şikayətdə inzibati həbs, sonrakı ilkin həbs, mənzilində və ofisində olan axtarışlarla bağlı qanunsuzluqlardan bəhs olunur.
Qeyd edək ki, Əziz Orucov haqqında Cinayət Məcəlləsinin 192.2 (qanunsuz sahibkarlıq və külli miqdarda gəlir əldə etmə) və 308.2 (vəzifə saxtakarlığı ağır nəticələrinə səbəb olması) maddələri ilə cinayət işi açılıb. (Gununsesi.info)
Oxunub: 138
