Hüquq ənənələri güclü olan Qərbdə siyasi dələduzluğa güzəşt yoxdur. Parlamentdə təmsil olunub, vəzifədən sui-istifadə edənləri ömürlük göndərərlər gedər-gəlməzə. Məsələn Gürcüstanda artıq ictimai qınaq elə güclüdür ki, belə deputat geri dönmək fikrini ağlından da keçirməz. Amma bizim “Striptiz” Məclisdə qaydalar başqadır. Sabiq deputat Gülər Əhmədovanın və Rəfail Cəbrailovun məşhur video qalmaqallarını unutmamısınız yəqin. Parlamentə düşmək istəyənlərdən pulu alıb onu yuxarılara, daha dəqiq desək, İlham və Mehriban Əliyevlərə ötürən araçı adamlar indi Milli Məclisin binasında alverə başlayıblar. Mənbənin dediyinə görə, pul Parlamentin rəhbərliyi vasitəsilə çatmalıdır Əliyevlər ailəsinə.
Bildiyiniz kimi, bir necə il əvvəl ABU-nun sabiq rektoru Elşad Abdullayev onunla olan 1 milyonluq mandat sövdələşməsini videoya çəkib yaymışdır, bu yaxınlarda isə Rəfail Cəbrailovun videosu yayılmışdır. Bundan əlavə Parlamentin hər kabinetində müzakirə edilən Striptiz və İbiza olayı bunu sübüt edir ki, parlamentin buraxılması kosmetik reform olar bilər. Yəni bu alver, pul-para söhbətləri gerçəkdir.
Bir dəfə bir qəzet gözəl sözlər yazdı: “Mandat” və “manat” sözlərinin arasında cəmi bir hərf fərqi var. Və görünür artıq mandat da manat kimi, kəskin devalvasiyaya uğrayıb və həm dəyərini, həm də “d” hərfini itirib. Çünki vaxtilə 3 milyon qiymətləndirilən bir şeyin 300 minə qədər ucuzlaşmasına ad qoymaq çətindir. Normal bir ölkədə, əlbəttə ki, bu hadisəyə görə deputatı mandatdan məhrum edə bilərlər, siyasi səhnədən silərlər, yaxud da özünə hörmət qoyan millət vəkili elə özü abırına sığınıb, mandatından imtina edər. Ancaq bizim halda bunların nə birincisi var, nə də ikincisi baş verir…” (azpolitika.info)
Bu dəfə deputat mandatın qiyməti nə olacaq hələ bəlli deyil…