Milli Şuranın sədri, professor Cəmil Həsənli
Dünən çox hörmətli İlqar bəy Əlfioğlu bir post paylaşmışdı. Orada qeyd edirdi ki, “dünən məni dəhşətə gətirən bir fakt: İngiltərədə hər il ortalama, 20 min qoca, evini qızdırmağa pulu olmadığından, donub ölur! Elə bildilər zarafat edirəm, əsla! Bu parçanı oxuyun”. Sonra rus dilində bir mətnə istinad edir (Şərh bölümündə tanış ola bilərsiniz).
İlqar müəllim mən hal-hazırda İngiltərədə – Londondayam. Son 60 ilin ən soyuq ilidir bu il və bir həfətə əvvəl Temza çayı da donmuşdu. Bu çox nadir hadisədir. Amma evlər çox istidir və adamlar da virus təhlükəsin çıxmaq şərti ilə çox rahat yaşayırlar. 70 yaşından yuxarı bütün yaşlı adamlara (Britaniya əhalisinin 16 faizinin yaşı 65-dən yuxarıdır) vaksin vurulub, həm də pulsuz. İndi 65 yaşdan yuxarını vaksin etməyə başlayıblar. Bütün həkimlər, tibb işçiləri, polis və sair yaşından asılı olmayaraq vaksin alıblar. Britaniya sosial təminat çox yüksəkdir. Milli Sağlamlıq Xidməti (National Health Service – NHS) uşaqdan böyüyə hamı üçün pulsuzdur, iş vizası ilə gələnlər üçün də. Tək səhiyyə xidmət yox, həm də həkimin yazdığı dərmanlar da pulsuzdur. Gedib aptekdən sənə yazılan dərmanı götürə bilərsən. Bir neçə gün əvvəl mən də zəruri olan analizləri verdim, müxtəlif uzi baxışlarından keçdim və hərtərəfli müəyinə olundum. Bakıda mən bunları etsəydim ən azı 800-1000 manat arası pul ödəməli idim. NHS-də qeydiyyata durandan sonra burada hamısı pulsuzdur. Virus təhlükəsi ilə bağlı NHS saat mexanizmi kimi işləyir, yaşlı adamlara xidmət etmək üçün konüllü gənclər qrupları fəaliyyət göstərir. Onlara ərzaq gətirir, zəruri ehtiyacların öyrənirlər. Ərzaq dükanları onlayn xidmət edir. Nə istəsən evə gətirirlər. Pandemya ilə bağlı hökumət geniş sosial yardım proqramı həyata keçirib və hələ də keçirməkdə davam edir. Bütün işsizlər yardım alır, orta və kiçik biznesə dəymiş ziyanı hökumət qarşılamağa çalışır. Və burada işsizlərə, pandemiya ilə bağlı işini itirənlərə, əksəriyyəti müsəlman ölkələrindən olan qaçqınlara verilən yardımın aylıq həcmi Azərbaycanda professora verilən aylıq əmək haqqından bir neçə dəfə çoxdur. Mən bura gələndən bəri iki dəfə müraciət ediblər ki, əgər işsizsənsə və gəlirin azdırsa bu formanı doldur sizə birdəfəlik 500 funt yardım edək. Gör, o 500 funtun içərisinə neçə 190 manat yerləşdirmək olar. Lakin mənim buna ehtiyacım yoxdur. Yəni deməyim odur ki, burada orta uzun ömürlülük Azərbaycandan xeyli yiuxarə 79 yaş, qadınlarda isə 81 yaşdan yuxarıdır. Deməyim odur ki, İlqar bəy dəhşətə gəlməyin və inanın ki, İngiltərə qocalarının vəziyyəti bizim cavanların güzaranından çox yaxşıdır.