Milli Şuranın sədri Cəmil Həsənli
“Yeni Azərbaycan” qəzetinin Analitik Qrupu bugün yazır ki, “1978-ci ildə Heydər Əliyevin cəhdləri və təşəbbüsü sayəsində Azərbaycan SSR-in Konstitusiyasına “Azərbaycan dili Azərbaycan SSR-in rəsmi dövlət dilidir” maddəsi daxil edildi”. Belə deyil. Azərbaycan dilinin rəsmi dövlət dili olması haqqında maddə 1956-cı ilin avqust ayında Azərbaycan Konstitusiyasına daxil edilmişdi və 1978-ci il konstitusiyası qəbul edilənə qədər bu maddə artıq əsas qanunda var idi.
Əslində, 1936-cı il SSRİ Konstitusiyası qəbul edildikdən sonra 1937-ci ildə erməni və gürcülərə icazə verdilər ki, öz ana dillərini respublika konstitusiyalarında təsbit etsinlər. 1956-cı ildə XX qurultaydan sonra Azərbaycan öz ana dilini əsas qanunda təsbit edən 3-cü Sovet respublikası oldu. Həm də Sov.İKP MK-nın rəsmi razılığı olmadan. Digər respublikalara belə bir icazə verilmədi.
SSRİ dağılana qədər yalnız bu 3 respublika öz ana dillərini əsas qanunda dövlət dili kimi təspit edə bilmişdilər. 1956-cı ilin avqustunda Azərbaycanda konstitusiyaya ana dili haqqında xüsusi maddə əlavə edildikdən sonra 1958-ci ildə əvvəlcə Ali Sovet Rəyasət Heyətinin sədri Mirza İbrahimovu, sonra isə 1959-cu ilin iyulunda İmam Mustafayevi millətçilik ittihamı ilə birinci katib vəzifəsindən çıxarıldı. Nikatə Xruşşov deyirdi ki, biz İbrahimovu və Mustafayevi millətçiliyə görə çıxarırıq, lakin bunu rəsmiləşdirib öz əleyhdarlarımız əlinə fakt verə bilmərik ki, SSRİ-də millətçilik var. Belə də elədilər. Onları “öz ərizələrinə” istinadən çıxarsalar da, Xruşşov Sov. İKP MK Rəyasət Heyətinin iclasında dedi ki, belə millətçiləri Sovet cəmiyyətindən rus qadınları borş bişirərkən ətin kifini yığıb atan kimi “təmizləyəcəklər”.
Bunlar olkədə hər şeyi mənimsəiyiblər, hər şeyi ələ keçiriblər. İndi də tarixi oğurluqla, başqaların xidmətlərini mənimsəyib Heydər Əliyevin adına yazmaqla məşğuldurlar.