Milli Şuranın sədri, professor Cəmil Həsənli
Azərbaycan Xalq Cəbhəsi Partiyasının fəalı Laçın Vəliyev martın 20-də Sabunçu rayonu ərazisində saxlanılıb. Ona qarşı Cinayət Məcəlləsinin qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma və həm də külli miqdarda törədildikdə maddəsi ilə ittiham irəli sürülüb. Bu saxta ittiham “sübut” olunarsa Laçın bəyi əmlakı müsadirə olunmaqla beş ildən on iki ilədək həbs gözləyir.
İttiham elan edilməmişdən öncə Laçın Vəliyev neçə dəfə saxlanılıb və ondan 14-15 iyul Qarabağ mitinqinə görə həbs edilmiş Azərbaycan Xalq Cəbhəsi Partiyası fəallarının əleyhinə ifadə verməsi tələb olunub. Buna razı olmadıqda Laçın qarşı ittiham irəli sürülüb.
Laçın Vəliyev əvvəlcə qurama dələduzluq maddəsi ilə həbs edilib. Daha sonra qəfil ittihamı dəyişərək narkobarona çeviriblər. Laçın bəyi ötən aylar ərzində bir neçə dəfə saxlayıblar, fiziki zorakılığa məruz qoyublar. Konkret olaraq ondan Azərbaycan Xalq Cəbhəsi Partiyası Rəyasət Heyətinin üzvü Bəxtiyar İmanova qarşı ifadə vermək tələb olunub. Laçın bəy bu tələblərdən imtina etdiyinə görə cəzalandırılıb”.
Qurama ittihamı “sübuta” yetirmək üçün polis orqanları son vaxtlar ənənəyə çevirdikləri ailə həyatının intim görüntüləri ilə Laçın Vəliyevi təhdid edib. Onun evində quraşdırılmış gizli kamera ilə çəkilmiş ailə həyatının yataq görüntülərinin ictimailəşdiriləcəyi təhdidi altında Laçın bəy narkotika ittihamını qəbul etməyə məcbur edilib. Müdafiə Xətti hüquq- müdafiə təşkilatı bildirir ki, Laçın Vəliyevə ailəsi ilə bağlı sarsıdıcı video göstəriblər və “o, öz həyat yoldaşı ilə görüntülərini görər-görməz bayılıb, sonradan “nə istəyirsiniz, gətirin, qol çəkirəm…” deyərək, irəli sürülən qurama narkotika ittihamı ilə razılaşıb.