Araşdırmaçı jurnalist Cavanşir Həsənli
Rəsmi statistikaya görə ölkədə uşaqların sayı 2 milyon 600 minə yaxındır. Hər uşağa 100 manatdan nəzərdə tutulsa uşaqpulu büdcəyə ildə 3 milyard 120 milyon dollara başa gələr.
Əlbəttə hardasa 26 milyardlıq büdcə üçün bir az ağır görünə bilər, amma nəzəri cəhətdən o qədər vəsaitin mənbəyini tapmaq mümkündür.
Ən azından uşaqlı ailələrin sosial müdafiəsi baxımından, ölkədə sosial gərginliyin azaldılması baxımından bu çox vacibdir.
Büdcəyə hansı yöndən baxsaq, 3 milyardın yeri görünür. Məsələn, hər il dövlət büdcəsindən tikinti, bərpa, yenidənqurma və əsaslı təmir işlərinə 1,2 mlrd. manata yaxın ayrılır, həmin vəsaitlərin əhəmiyyətli hissəsi korrupsiya yemidir.
Hər il böyük bir su təsərrüfatı klanını yedirtmək üçün Meliorasiya və Su Təsərrüfatı ASC-yə büdcədən 405 milyon manat büdcədən vəsait ayrılır. Halbuki ASC-nin 28 il ərzində işini elə qurmaq olardı ki, büdcənin qəniminə çevrilməsin.
250 milyon hər il mənzil kommunal təsərrüfatına ayrılır. O cümlədən “Azərsu” ASC-yə 38 milyon manat, “Azəristiliktəchizat” ASC-yə 26 milyon manat, lift təsərrüfatına 5 milyon manat manat subsidiya ayrılır. Kim indiyədək pullu xidmətlərdən pulsuz istifadə edib?
AZAL-a hər il 10 milyon manat subsidiya verilir ki, halbuki AZAL özü büdcəyə ödəmələr etməliydi.
Bakı Metropoliteninə 50 milyon manat subsidiya ayrılır.
İldə 10 milyon Umayra Tağıyevanın ələ saldığınız proqnozlarına ayrılır.
Məmur təsərrüfatlarına, onların torpaq sahələrinə büdcədən hər il yüz milyonlarla manat subsidiya ayrılır.
Ölkədə səhiyyə xərcləri 2 milyard manatdan çoxdur, amma heç kim pulsuz müalicə oluna bilmir, pulsuz dərman ala bilmir və s.
Büdcəni hardan silkələsən 3 milyard çıxacaq. Amma silkələmək lazımdır. Ümumiyyətlə dövlət büdcəsinin yükünü azaltmaq lazımdır, zərərlə (yeyinti ilə) işləyən dövlət müəssisələri mümkün qədər özəlləşdirilməlidir.