Milli Şuranın sədri, professor Cəmil Həsənli
Dünən Türkdilli Dövlətlərin Əməkdaşlıq Şurasının videokonfransındakı çıxışında İlham Əliyev 5-6 dəfə “türk dünyası” ifadəsini işlətdi. Bəlkə özü də bilmir ki, bu türk dünyasının belin qıranlardan biri bunun atası Heydər Əliyev olub. Adam DTK-da əmək fəaliyyətinə başlayanda ilk xarici rezidenturasını Türkiyədə keçirib, Türkiyə əleyhinə kəşfiyyat materialları toplayıb. İlham Əliyev də istəsə tanış ola bilər onlarla. Sovet DTK-nın Türkiyə əleyhinə bütün planlarının iştirakçısı olub, bir sıra Sovet və xüsusiylə Azərbaycandan olan rezidentlər onun zəmanət məktubları və təqdimatı ilə mətbuat işçisi, mədəniyyət attaşesi, diplomat, texniki işçi kimi Türkiyəyə casus kimi göndərilib. PKK-nın örgütlənməsində, xüsusi ilə onun Suriya qanadının Türkiyənin canına salınmasında onun “müstəsna” xidmətləri olub.
İndi gələk bunun özünə. Bunun Türkiyəyə və türkliyə dərun nifrəti ilə bağlı deyiləsi şey çoxdur. Amma konkret nümunələrdən birini göstərmək istəyirəm. 2009-cu ilin aprel ayının 13-də axşam yaxşı münasibətim olduğu bir deputat mənə zəng edib hökmən görüşmək istədyini dedi. Nizami metrosunun qarşısında görüşdük. Dedi indi Ramiz Mehdiyevin otağından gəlirəm. Məni 5 nəfər deputatla birlikdə adminstrasiyaya çağırmışdılar. Ramiz Mehdiyev dedi ki, prezidentin tapşırığıdır, sabah Türkiyənin əleyhinə kəskin çıxış etməlisiniz. Mən dedim ki, axı sabah cümə günüdür, ictimai-siyasi vəziyyətin müzakirəsi olmayacaq, məclisdə bir qayda olaraq belə müzakirələr cərşənbə axşamı aparılır. Mehdiyev dedi ki, Məclisin sədrinə şəxsən preziden tapşırıq verib, sabah müzakirə olacaq və Sizlərin adları da çıxışçılar kimi monitora salınacaq. Dostumuz dedi ki, mən Türkiyə əleyhinə çıxış etmək istəmirəm, heç bilmirəm nə edib. Dedim narahat olma, bir şey fikirləşərik. Aprelin 14-də doğrudan da 5-ci gün olmasına baxmayayaraq içtimai-siyasi vəziyyətin müzakirəsi başlndı. Və mındə operativ çıxışa yazıla bildim. Deyilən 5 nəfərdən artıq 2-si çıxış edib Türkiyəni yıxıb-sürümüşdü. 3-cü çıxıçı mən oldum. Və Məclisin stenoqramından götürülmüş bu çıxışı etdim.
MİLLİ MƏCLİSİN İCLASI
14 aprel 2009-cu il. Saat 12.
Azərbaycan Respublikası Milli Məclisinin Sədri
Oqtay Əsədov sədrlik edir
Sədrlik edən. Sağ olun Hadı Rəcəbli, söz verilir Cəmil Həsənliyə.
Cəmil Həsənli. “Təşəkkür edirəm, cənab Sədr. Hörmətli millət vəkilləri və mətbuat nümayəndələri! Bu gün biz parlamentimizin iclasında çox mühüm bir məsələyə toxunuruq. Mən son bir ay, ay yarım ərzində Azərbaycan mətbuatında gedən yazılara baxdıqca, sadəcə olaraq, təəssüf hissi keçirirəm. Ona görə təəssüf hissi keçirirəm ki, tariximizin çox yaxın zamanlarında Azərbaycan millətinin taleyi ilə, tarixi ilə bağlı olan məsələlərdə bizim yanımızda olan bir dövlət və bir millət haqqında son dərəcə ağır ittihamlara yol veririk. Bu gün bizim media, xüsusilə göstərişlə işləyən mətbuat orqanları bir şeyi unudurlar ki, Azərbaycan torpağının hər qarışında bu torpağın yadellilərdən azad edilməsi üçün canını belə əsirgəməmiş türk əsgərinin qanı var. Tarixin bu anlarını biz nə tez unutmağa başladıq?
Oqtay müəllim, mən öz fikrimi ifadə edirəm. Hesab edirəm ki, bu gün Azərbaycanda Türkiyə əleyhinə başlanmış kampaniya Azərbaycan dövlətinin və Azərbaycan millətinin maraqlarına uyğun deyil. Bu, antimilli kampaniyadır, bu, süni kampaniyadır, bu, təşkil olunmuş kampaniyadır və bu təşkilatçılıq da bilavasitə Prezident Aparatından gəlir, mətbuata, qeyri-hökumət təşkilatlarına göstəriş də oradan gəlir.
Mənə elə gəlir ki, biz belə səhvlərə yol verməməliyik. Millətimizin taleyində, tarixində böyük rol oynamış, ağır zamanlarımızda bizim yanımızda olmuş, 1918-ci ildən bu günə qədər Azərbaycanın bütün problemlərini öz problemi kimi qəbul edən bir dövlətə münasibətdə belə kampaniyanın aparılması yolverilməzdir.”
Bu həmin vaxt idi ki, Şəhidlər Xiyababında İlham Əliyevin göstərişi ilə Türk şəhidlərinin məzarı üzərindən türk bayraqları yığışdırılmışdı. Elə həmin il bundan az sonra Rəcəb Tayyip Ərdoğanın Bakıya səfəri başladı. Ramiz Mehdiyev YAP və “Müstəqil” deputatları Prezident Aparatına yığıb İlham Əliyevin tapşırığını onlara verdi ki, Ərdoğan Milli Məclisin iclas zalına girəndə onlar ayağa qalxmasınlar, çıxış edəndə əl çalmasınlar və sair. İndi yekə-yekə “türk birliyi”ndən danışırlar.