Ота-онасини кўргани келган қиз уйдаги меҳмонни пичоқлади

25 яшар Ҳошимова Севарахон Абдулмўсо қизи ота-онасини кўргани Қувага келди. Севара ота-энасининг дийдорига тўйиб, бўкиб арақ ичиб ухлаб қолди. 

Кечаси ҳожат учун уйғонган қиз йўлакда меҳмон А.Хусайновга тўқнаш келди. Мастликда меҳмонга қўполлашиб, жанжал кўтарди. Сўнг меҳмон тегажоқлик қилди дея унга пичоқ билан ташланди.

Лекин А.Хусайнов Севарага тегажоқлик қилмаган, у Россияга кетиш олдидан хотини билан шу хонадонда вақтинча яшаб турган. 

Меҳмон йигит елкаси ва қорнидан пичоқ еди. Унинг жароҳатлари ҳаёт учун хавфли деб белгиланди. Қувасой шаҳар суди меҳмонга пичоқ билан ташланган мезбонни 5 йил 1 ойга озодликдан маҳрум қилди. 

Қиз қамағда, унинг икки боласи бобо-буви қарамоғида.