Ижтимоий ҳимоя миллий агентлиги ногирон болалар ризқини талон-торож қилмоқда

«Тошкент шаҳридаги Ижтимоий ҳимоя миллий агентлигига қарашли барча махсус мактабгача таълим муассасалари ва мактаб интернатларида ижтимоий ҳимояга муҳтож болаларга 2025 йил январ-декабрь ойларига озиқ-овқат учун давлат томонидан ажратилаётган бюджет маблағлари агентлик ходимлари томонидан мажбурий тартибда ўз танишлари номига 22.01.2025 йилда очилган ИНН 311855077 ”FRESH SUPPLY”МЧЖга шартнома қилдириб ишлаб келинмокда. 

Агарда ушбу МЧЖ билан шартнома тузмаса МТМ ва интернат раҳбарларини ишдан олиш буйича дўқ-пўписа қилинди. МЧЖ томонидан таъминланаётган озиқ-овқат маҳсулотлари сифатсиз бўлишига қарамасдан истеъмолга топширилмоқда. 

Масалан, нон маҳсулотлари қотган, МЧЖ билан ташкилот ўртасида шартнома 1-тоифали маҳаллий мол гўшти етказиб беришга шарнома қилинишига қарамай, бошка давлатлардан келтирилган музлатилган мол гўшти етказиб бериляпти. 

Ташкилотларда олиб борилаётган музлатилга мол гўштининг ветенария хулосаси мавжуд эмас. Бу дегани 1-тоифали маҳаллий мол гўшти билан бошқа давлатлардан келтирилган музлатилган гўшт ўртасида нархи бўйича катта фарқи бор. 

Агарда бу камчиликлар агентликка айтилса, “индамай олаверинг”, дейишади. Ижтимоий ҳимояга муҳтож (ногирон) болаларга давлатимиз, Президетимиз томонидан озиқ-овқати учун ажратилган маблағларни агентлик ходимлари талон-торож қилишяпти.»