ليه "خالد علي" ؟؟
ليه ممكن تغير رأيك وتقرر دعم خالد علي في إنتخابات الرئاسة ??
أنا شخصياً كنت مع المقاطعة بشكل قطعي وكنت شايف ان اي محاولة لحراك سياسي ديمقراطي في ظل سلطة فاشية زي اللي بتحكمنا ديه ، مالوش معنى ولا فيه منه أي فايدة على الإطلاق .
بس بعد معركة تيران وصنافير تحديدا ، وبعد الزخم والتضامن الواسع في كل محافظات مصر تقريبا ، ومحاولة السلطة أنها تنهي الحالة ديه بأي شكل وبكل الطرق ، والقبض على القائمين على الدعوة للتمسك بالأرض وملاحقة الباقي منه
"وانا كنت شخص منهم "
ووصلت لمحاصرة أحزاب ونقابة الصحفيين ، والتعدي بالضرب وااهانة و احتجاز إي حد مشارك في إي فاعلية تخص الأرض أو غيرها ومهما كان مقامة وكان سنة ، زي كمال خليل و حمدين صباحي مع حفظ الألقاب . "كمثال"
أيقنت تماما أن كل المساحات اللي ممكن نعبر فيها عن رأينا أغلقت تماما ، وأن السلطة ديه مش حتسمح بوجود أي شكل من أشكال المعارضة على الارض ..
ومع بداية النقاشات لفكرة خوض خالد معركة الانتخابات ولا لأ ، برضوا كنت شايف ان نزوله في خطر كبير عليه وعلى أنصاره وأصدقائه وكنت شايف ان مالوش لزوم وكفاية علينا نفضحهم وبس .
بس بعد ما فكرت بشكل أهدى وزي ما بيقولوا بصيت على الحكاية من منظور أوسع ، لقيت ان اي فرصه لخلق مساحة لينا لى الأرض ، هي مكسب !!
ومعركة زي معركة الانتخابات ، مكاسبها في كل الأوال كبيرة ..
كون ان السلطة يوصل لها أن في ناس لسه مصممة ولسه عندها قضية بتدافع عنها ، دا مهم .
وجود حملة لمرشح رئاسي بتنزل للناس الشارع وتتكلم معاهم وتفهمهم ليه احنا معترضين على وجود السيسي في السلطة ، دا،مهم .
تكوين مجموعات عمل في محافطات مصر ، وخلق مساحات حقيقة للناس تعبر فيها عن رأيها وتحس أنها ممكن تختار ، دا مهم .
شعور المواطنين أن في معارضة بجد في مصر ، بتقدر تخلق لها مساحة ولو صغيرة بيخلق عندهم فكرة ، ان في بديل أو على الأقل ينفع يكون في بديل
خلاصة كلمي ، ان تجربة خوض خالد علي الانتخابات ، أنا شايف ان هي تجربة مهمة جدا ، في وت صعب جدا ، ومكاسبها أهم بكثير من فكرة
هل فرص خالد في النجاح كبيرة أو موجودة اصلا ولا لأ .
#أنا_بدعم_خالد_علي
