ليه البنات بدافع عن عمرو وردة؟
اكتر حاجة بتلفت نظري وبتثير تسألي بعد كل حادثة تحرش بتحصل، هي ليه ممكن اي انثي تدافع عن المتحرش؟!
يعني أنا ممكن اتقبل دفاع الرجال عن الرجال عشان مثلا متحرشين زيي بعض (بعضهم وليس الجميع) أو مثلاً عشان معظم الرجالة أصلاً مش مدركين لحالات التحرش المهولة التي لا تحصي ولا تعد، أو لأنهم ببساطة رجال، رجال فا مش حاسيين ولا فاهمين حجم الضرر النفسي والجسدي الي بيقع علي الست بسبب التحرش.. يعني في أسباب كتير متوقعه ومش متوقعه ولكن كلها مقبولة ومش غريبة لأنها في الأول والآر مش قضية بتمسهم بشكل شخصي.
ولكن ما لا أستطيع فهمه أبداً هو دفاع بعض النساء القوي علي بعض المتحرشين! ازاي وليه؟
لما ٩٩.٩% من نساء مصر تعرضن للتحرش، فا بالتأكيد الي بيدافعوا عن المتحرشين دول تم التحرش بيهم ومدركين حجم الضرر الناتج من التحرش لأنهم تعرضوا له وجربوا وجعه.
ولكن في الأول والآخر في عوامل كتير جداً بتتدخل في آراءنا وتكوين شخصيتنا وبينتج عن دا أفكار وثقفات غير منطقية او سويه لكن بالنسبة لينا بتكون عاديه لأنها اترسخت فينا حبه حبه علي مدار سنين لحد ما عقلنا اعتبرها عاديه وصح كمان مهما كان باقي العالم بيقول وشايف انها غلط.
أول الأسباب الي بتدفع البنات انها تدافع عن المتحرش وهي انها اصلاً لا تصنف أو تعتبر التحرش جريمة، هو فعل عادي، بيحصل لكل النساء، فا اشمعنا فلانه دي الي هتتكلم وتطلب بحقها وتقرفنا، دي حاجة عادية وفلانه هي الي عايزه تتشهر وتتعرف وتعمل من نفسها بطله بسبب حاجة عادية بتحصلنا كلنا كا بنات كل يوم ومش بنكلم اشمعنا هي بتتكلم.. ودا ياخدنا لنقطه مرتبطه برضه وهي قله الوعي، معظم البنات لم تحصل على فرصه للتوعية، مفيش مدارس او جامعات او شركات بتقدم توعية في اي مرحلة من مراحل عمر الفتاة وتفهمها انه من حقك تفضحي المتحرش وتجيبي حقك قانونياً واجتماعياً وانه التحرش فعل إجرامي غير مقبول اياً كان صادر مين من..
ودا يا ياخدنا للسبب التاني وهو فكره ''صادر من مين''، لو المتحرش وسيم يا جماعه وشكله مش مجرم يعني وملامحه ملونه (زيي عمرو وردة) ففي الغالب نسبه المدافعين عنه من البنات هتبقا أزيد وكمان بمنتهي الصراحة هيعلونا انه سبب دفاعهم عنه هو شكله، زيي ما في بوستات انتشرت اليومين الي فاتوا بصور لعمرو وردة ومكتوب فوقيها ''ابننا عمرو القمر يتحرش براحته والي عنده معزه يربطها..'' و الكومنتات علي البوست عبار عن قلوب وكلام غزل في شعره الكيرلي وعيونه وشكله…
ودا طبعاً منطقي في مجتمع معظم الوقت بيحكم علي الناس من خلال الشكل.. ومش مجتمعنا المصري بس.. حتي في الأفلام الغريية تلاقيهم جايبين ممثل وسيم جداً وضحكته كيوت ويدولوا دور واحد شرير ويفضل علي مدار حلقات المسلسل بيقنعك انه مش شرير وعسول وقمر حتي تصل في اخر حلقة انك فعلاً حبيت الدور والممثل ومتعاطف معاه زيي شخصيه ''جو'' غي مسلسل '' You '' وشخصية ''برلين'' في مسلسل ''la casa de papel'' وغيرهم..
السبب الثالث، والي الحقيقة قريت عنه في مقال بعنوان ''نرى بنصف عين: الحقيقة التي تعرفها ليست «الحقيقة»'' علي موقع يدعي ''منشور''
وهو نظرية فلسفية تسمي ب ''فرضية العالم العادل''
وهي -حسب ما فهمت- أنه عقلك هيرفض يقبل الحقيقة (الا وهي انه الشخص الفلاني متحرش فعلاً والبنت فلاً ضحيه) لأنه لو عقلك قبل الحقيقة المُره دي ساعتها دا معناه انه انتي كمان معرضه لأنك تكوني ضحيه تحرش، فا الأسهل اننا نقنع نفسنا انه البنت هي السبب، لأنه لو أنا مش زيي البنت دي ولابسه محتشم اكتر منها او صوتي مش عالي زيها او.. او.. فا اكيد هكون في أمان ومش هتعرض لتحرش، دا بيدينا أمل وأمان وتخدير ل عقولنا انه الواقع أكثر عادلاً مما يبدو وانه طول مانا ماشيه جمب الحيط العالم الشرير مش هيقرب مني بس بيقرب من البنات التانيه الي مش كويسة الي مش ماشيين جمب الحيط والي بيروحوا أماكن خطر..
بالأكيد في أسباب أكتر، نفسيه وثقافية بتدفع النساء من مختلف الثقافات للدفاع عن المتحرشين
ولكن اعتقد في رأيي الشخصي انه في المقام الأول والأخير ''قله الوعي'' والجهل، واحدة من أكبر وأقوي العوامل الي بتدفع اي انسان انه يكون غير مدرك ل أقل الحقوق وبالتالي بيتستهر ويتفهه من اي قضيه حقوقية مهما كانت.
.jpg?width=300&height=400&mode=crop)
