حدوته صغننة
وانا في شرم في ضيافة معهد الاهرام
كنا ١١ حزب ممثلون عن أحزابهم
الاغلبيه من الحضور بنات وستات في سن صغير
نزلنا في فندق ماريوت اللي كان مفاجأة لينا كلنا أنه فعلا كأنه مكان للعرب بكل عاهاتهم وامراضهم النفسيه والاحساس بالنرجسيه
ومش هتكلم عن الشرب حتي الثماله هي حريه شخصيه مادامت لم تتعارض مع حريتي
لكن اما وان تعارضت لازم اتكلم ...
تعرض البعض منا وانا من الجروب للتحرش
ومرت الأمور في سياق معش استحملوا كلها كام يوم وهنمشي
وفينا اللي كان ذو خبره علي التصرف في الموقف بحكمه وحزم
ومنا من هو صغير الخبره فكانت الأمور تخرج عن السيطره
الي أن حدث لزميله منا ماتوقعته انا شخصيا التعدي باللمس علي الزميله من ٣ أشخاص من الجنسية السعودية
وعلي الفور توجهت الزميلة الي الشرطة مع ظن الجميع أن الأمور ستكون لصالح الزبون
ولكن يقيني من متابعة الوضع ورفض الغالبية العظمي من الشعب للقهر كان ينبأ بأن الأمور ستكون لصالح مصريتي وكرامتي وشرفي
فكان التصرف من الظباط سريع في ضبط واحضار السياح العرب وتم حبسهم والترحيل المباشر بتصرف تلقائي رجولي وأعما القانون كان سيد المشهد ...
مم سردت.. الخلاصة يابنات مش لازم يكون عندك يأس ولا شك أن حقك هتاخديه حتي ولو بعد حين
والسكوت عن حاجه بحجة الخوف والكسوف من ألسنة الناس لايجدي مع إهدار النفس لسمو حريتها في اختيار الشكل اللي تحب تكون عليه .....
توته توته خلصت الحدوته
