حول لسانك من حبل مشنقة .. لطوق نجاة
في الكام يوم اللي فاتوا ظهر خبر على السوشيال ميديا ، عن وفاة زوجة منتحرة ، بعد ما أصيبت بمرض الايدز .
الأخبار بتتكلم عن الاغتيال المعنوي اللي اتسبب فيه المجتمع والمحيطين بيها ، ازاي كانوا بيضغطوا عليها عشان يعرفوا سبب اصابتها بالمرض ، وابتعادهم تماما عنها ، خوفا من العدوى - اللي مبتنتقلش غير بالدم - أو عشان معرفوش سبب اصابتها بالمرض ، واللي اتضح ان السبب كان اصابة زوجها وانتقال المرض اليها .
قبل ما تقتل نفسها ، المجتمع والدايرة القريبة منها قتلوها .
بكل تجبر اختاروا بدلا من دعمها في مواجهة المرض الخطير ، انهم يمارسوا وصايتهم عليها ويوجهولها أصابع الاتهام ، ويتكلموا عنها بما يسوئها ، ويبعدوا عنها .
الخبر بتفاصيله خلاني أفكر ليه المجتمع بيعمل كده ، وليه الناس بتسمح لنفسها بالصلاحيات دي ، وليه ميسيبوش كل واحد يعيش بالشكل اللي يريحه .
عادي يعني لما تكون انسان مش بتهتم بالمظاهر والشكل من بره ،،، مش مهتم فلان لابس ايه أو بياكل ايه وعايش فين و عايش ازاي ،،،، مش بتتدخل في خصوصيات وحياة الناس الشخصية ،،، عارف ان كل شخص حر وبيتحمل نتيجة اختياراته هو بس ،،، محدش بيدفع معاه ثمن اختياراته .
عادي يعني تبقي انسان بتهتم فقط بالأشياء العامة ،،، الأراء ،،، المبادئ ،،، تتناقش تفهم متهاجمش حد لمجرد انك مختلف معاه بل تتقبل اختلافه
تبقي فاهم ان فيه حاجات مشتركة وفيه اشياء فردية وشخصيه بحته مينفعش تتدخل فيه وتعمل نفسك حكم وتحكم علي الآخرين وكأنك بتسمو فوق البر
احنا بشر مش ملايكة ،،، بنغلط ونتعلم من أخطائنا ،،، بنعمل الصح حتي لو الناس شايفينه غلط بس احنا مش شايفين زيك ،،، مش انت ال هتحاكم الناس وتفرض عليهم نصايحك ده لو اعتبرناها نصايح ،،،، في اختلافات فردية وآراء مختلفة حتي لو مش مناسبة لمجتمع بيرفضها في العلن لكن بيعملها في السر ،،،، مش لمجرد ان غيرك قرر يعمل اللي هو عايزه بعيد عنك وانت مش عايز تعمل او مش عارف او بتعمل في السر يبقي تقرر تصدر أحكام علي البشر
حاولوا تعيشوا حياتكم من غير ما تدخلوا في حياة الاخرين وتروا ان خصوصيتهم حاجات تستحق انك تعرفها لا وكمان تعلق عليها لا وكمان تحط نفسك آل وتحكمهم وتصدر عليهم احكام من منظورك ومن خلفيتك اللي اكيد مختلفة عن منظوره وخلفيته ،،،
حاولوا تحسوا ان فعلا الدنيا والحياة والمجتمع اتغير بقي اكثر تفتحا وقبولا للمختلف والغريب ،،، بلاش تدفن راسك في الرمل وتعمل نفسك مش شايف وانت شايف بالفعل بس الرفض ال جواك خلي عينيك تستعبط وتعمل نفسها مش عارفه ،،،،
واجهوا التغير تقبلوا ال عايزينه وارفضوا ال مش عايزينه بس متفروضش علي غيركم اراكم ،،، متبقوش " ربنا " علي الارض وانتوا بشر خطائيين ،،،، واعرفوا ان الشخص هو ال بيدفع ثمن اختياراته وهو ال هيتحاسب ،،، مفيش حد بيتحاسب عن حد ،،،
" ول تزر وازرة وزر آخري "
