الانتصار المزيف
بما اننا علي اعتاب اكتوبر واحتفالات اكتوبر الكبيره
وزوير الحقائق والتاريخ
احب اقول انه كان نصر عظيم
بس للأسف مكملش وحله السادات لهزيمة الراجل يشكر برضه
احب اقول ان ابطاله كانوا عظام بس للأسف احنا منعرفهومش
يا إما اسُتشهدوا وبرضوا مجهولين
ياإما ماتوا بفيرس سي عشان مكانوش لاقين علاج عبد العاطي صائد الدبابات
ياإما متقاعدين في بيوتهم بين جدران النسيان بيقتلهم كل يوم التجاهل والنكران
ياإما ابطال بيقولوا عليهم دلوقتي ارهابيين زي شيخ المجاهدين في سيناء حسن خلف
ياإما موصومين بالعته والمرض النفسي زي ما السادات قال علي الشاذلي اللي هو القائد الفعلي لحرب اكتوبر وواضع خطتها
ياإما غلبة زي معظم مجندين الجيش ملهومش في التورتة ميصحش نتكلم عنهم عيب دول اتخلقوا عشان يموتوا وبس والبهوات هم اللي يعيشوا علي جثثهم وتضحيتهم زي اللي بيحصل دلوقتي بعد الثورة التاريخ بيعيد نفسه بس المره دي مهزلة
ياإما ناس كتّيبة قاعدة تكتب التاريخ علي كيفها ومزاجها ماهو العيب مش عليهم العيب علي اللي بيتلقوا منهم و وخلاص من غير ما يتعبوا نفسهم ويسألوا أو حتي يدوروا منتهي العته
هؤلاء هم ابطال اكتوبر المنسيين انما حد تاني لأ لأن عسكر دلوقتي دول افرازات الثغرة والانفتاح الاستهبلاوي علي رأي الراحل احمد بهاء الدين والصفقات وخد وهات والحمد لله ان ابطال اكتوبر الحقيقيين ماتوا ومشفوش التاريخ اللي تم تزويره ...
