مراجعات لابد منها
القاهرة كلها يفط مبايعة لسيسى ، و اليفط متزينة باسماء كافة الشركات و الافراد و الهيئات و الطير و النبات، انا مش فاضى اكلم على الانتخابات او السيسى او المشاركة و المقاطعة و تصورات ناس بتجرى فى مكانها قل يعنى انى كلامها حيأثر فى اى حاجة ده عبث
المشهد ده بيقول انى البلد دى رجعت لورا يجيى 30 سنة اه اخر عشر سنين فى حكم مبارك الوضع العام كان افضل .
و مش مهتم حد يقولى كلام زى بتاع البرادعى انهم تأمروا على الثورة لانى لازم يتعمل كده لانها عليهم
انما بصراحة هل احنا حتتحمل جزء من الى حصل اه هل كل الى شارك فى الشأن العام من القوى الدمقراطية من يناير 2011 لحد يونيه 2013 الى فى رأى مش حيصلح انه يكون طرف فى حل الازمة
و دوره انتهى علينا نقول و بجد غلطنا فى ايه نتحمل مسئوليتنا قد ايه
الى شايف نفسه مغلطش و هو الى كان صح ده مفيش منه رجا او الى شايف انى عادى ومفيش حاجة هو حر
احنا لازم نسيب لغيرنا حاجة عادلة يفهم احنا غلطنا فى ايه
و طبعا تجارب الناس و اخطائها مش زى بعض بس لازم نتكلم بجد،،،
اهمية النقد الذاتى لقوى الديمقراطية تأتي فى وقت تعانى فيه السياسة من ازمة كبيرة فى رأى لم تعد الازمة مع السلطة المستبدة او اكثر بدائل رواجا لها و هى جماعات الاسلام السياسى الذى ينتهج بعضها العنف او الذى يتصور ان بامكانه العودة باليات عفى عليها الزمن
الازمة اننا امام مجتمع يصل حد الاستقطاب فيه لوضع لا يمكن معه اعمال العقل فمؤيدى السلطة فى مر لديهم استعداد لتبرير اى قرارت و تصرفات لها حتى لو تنطبق مع العقل و المنطق فأن تحدث احد ان الدين الداخلى ارتفع يعتبر ان هذا انجاز و لو تحدثت عن غياب الديمقراطية و ارتفاع المعتقلين يجيب و ليه يكون فى اعتقال و محاكمة لازم الناس دى تضرب بالنار و يتحدث عن مؤامرت خارجية و يشيد بعلاقة السلطة الجيدة بمن يتهم انهم اطراف المؤامرة
و على الجانب الاخر امام اناس ترى ان هناك مؤامرة على دينها لقضاء عليه و ان السلطة و من خرج على حكم الاخوان هما شركاء فى المؤامرة و يكتفى بالشماتة فى حبسهم موتهم و ينتظر غائب لن يأتى و بعضهم فى الخارج لا يتكلف عناء ما يقوله
على القوى الديمقراطية ان تراجع ما قدمته هل ساهمت فى تلك الحالة هل ساهمت فى زيادة الاستقطاب هل استخدمت تكتيكات سياسية ساهمت فى الفجوة بينها و بين الناس هل لم تقدر امكانية حدوث تغيير عقلانى فى مجتمع لا يمتلك الحدود الدنيا من اعمال العقل هل اسرفت فى استخدام اليات الاحتجاج هل اجرمت فى حق تنظيماتها السلمية
هل يمكن تكون طرف فى حل ازمة كانت جزء منها؟؟
