الرجوع للنوستالجيا
بنتمنى كل حاجه زمان ترجع تانى حاجات حصلت زمان نقف عندها ونركز معاها النوستالجيا كلمه مش بس بنقولها بتوصف حنينا للماضى وللاماكن لا لاشخاص كانوا معانا فى حياتنا وبقوا مش موجدين لاغانى وموسيقى مرتبطه بينا فى فتره زمان ولكل شئ راح حنين لبيت قديم عيشنا فيه لحظه كانت حلوه عيشناها فيه ضحكه كانت من القلب لحياه عيشناها وكانت حلوه كل حاجه سلبيه بتتنسى مجرد مابنفكر في ايام زمان.. النوستالجيا كمان ممكن تكون حنين لينا لينا احنا حنين لنفسنا زمان واحنا بنتعامل مع ناس حبيناهم أو كان ليهم مكانة حلوه فى حياتنا لحاجات كانت حلوه فينا فى فتره لروحنا القديمه اللي مبقتش موجودة وبهتت مع الايام روحنا الى كان فيها طاقه وحب قبل ما الدنيا والناس تئزيها روحنا الى بقت تسكت وتكتم م كل وجع فيها مع كل حد بيمشى منها... ناس كتير حبيناهم وسابونا والدنيا خدتهم مننا عقلنا الباطن دايما رافض الواقع علشان كده دايما بنحاول نرجع لكل ايام زمان نفسيأ بنكون افضل...
واكد اكتر من دكتور نفسى إن النوستالجيا بتحسن المزاج حتى لو سبب وجودها مشاعر سلبيه زى الوحده مثلا الا أن اغلبية الناس اكدو خلال جلسات علاجية ليهم أو تجارب شاركوا فيها أن تجربتهم مع النوستالجيا كانت مُرضية بشكل عام، واخرجتهم من حالة الحزن حتى لو هونت عليهم لفتره مش كبيره
ودراسات كتير اتعملت اكدت أن النوستالجيا أثرت إيجابياً وزودت الشعور بالأمان والسعادة والاطمئنان عند البعض خصوصأ اذا كان كل الى بنكر فيه كان عن حاجات ايجابيه حصلت لينا مش حاجاات خسرناها علشان كده من غير مانشعر بنحب نرجع للنوستالجيا و أن كل إنسان محتاج من وقت للتاني يرجع أو يمر بموجة حنين للماضي، لأن الذكريات بتخلي الواحد يشوف قيمة حياته وقدراته، وبتديه ثقة في نفسه يقدر يعدي بيها اللي جاي مهما كان صعب. كمان الذكريات بتشجعك على أنك تتحدى نفسك بتجارب جديدة ومختلفة عشان لما تبص لورا تاني تلاقي حياتك مليانه بذكريات جيدة.
(النوستالجيا مضاد طبيعى ضد الاكتئاب والقلق اتمسكوا بيها مهما كان )
