احنا جينا من السما .. خرافة جديدة
سؤال كلنا سألناه لأهلينا و أحنا صغيرين ،بس دايما الأهل مش بيقولوا أجابه منطقيه للاطفال ،بس اول لما بنروح المدرسه و بنقابل اطفال تانين و نبدأ نكلم مع بعض ،بنلاقي كل واحد فينا عنده المعلومه مختلفه عن التانى ، و هنا بيكون اول صراع بينا عشان كل طفل مصد اهله ومقتنع ان مامته مش بتكدب و ان اكيد باقي الامهات هما اللى كدابين ، مها عدت السنين مش بنسي الكلام اللى اتقال يومها كأطفال مقتنعين باكاذيب اهلهم قالوهالهم ومقتنعين ان اهلهم مستحيل يكدبوا
فاكرة ان فى وحده قالت ماما قالتلى انى جيت من السما ،فكلنا ضحكنا وقلنا لا غلط السما بتمطر مايه مش بتمطر اطفال و وحده قالت ان ماما اخدت دوا وفضلت تشرب مايه بعدها ففضلت اكبر جوا بطنها زى الزرعه ما بتكبر ، و اللى قال لا ماما راحت الجامع و اخدتنى من هناك و اللى قال ماما لبست بنطلون بابا فحملت فيا وفضل يقولنا عشان كده مش لازم اى بنت تلبس لبس ولاد، و واحده قالت ماما قالتلى انها باست بابا بوسه فى بؤه فبقت حامل فيا ،فكلنا سكتنا و راحت وحه قالتلها مامتك مش مؤدبه لان ماما قالتلى اللى يبوس حد من بؤة يبقي قليل الادب، وطبعا البنت فضلت تعيط لان مامتها قليله الادب
بس انا اول لما رجعت من المدرسه لبيت وسألت ماما قالتلى عيب تكلموا فى الحاجات دى و حذرتنى انى اكلم معاهم تانى ، النهارده لما بفكر فى موقف زى دى ببقي متأكده انه اللى بيعملوة الاهالى فى الاطفال ده غلط جدا
لازم يكون فى اجابه منطقيه لاطفال عن جم ازاى ! و عن اعضاؤهم التناسليه ، يعنى لو زى ما عرفونا اسماء اعضاء جسمنا من الانف و الفم و العين و الاذن واليد والرجل و ادوارهم كانوا عرفونا ان عندنا فرج و الولاد عندهم قضيب و ان اتخلقنا فى بط أمهاتنا و كبرنا و بعد تسعه شهور بيوسع الفرج وبننزل منه وبيرجع يضيق تانى كان هيبقي اسهل لينا كأطفال ومريح لينا ومش بيخلق جوانا اى تساؤلات ولا صراعات مع اى اطفال تانيه
