ايه اتغير من عشرة سنين؟
بعد انتشار تحدي وهاشتاج 10 years challenge أكتشفنا انه مش بس شكلنا وصورنا هما الي اتغيروا، حاجات كتير في البلد دي حصلت من عشرة سنين ومش بس اتغيرت دي كمان اتنست واتقفل عليها وكأنها لم تكن، وحاجات تانية حصلت من عشرة سنين لسه بندفع تمنها لحد انهاردة..
في حين انه من ضمن التغيرات الي تم ملاحظتها في الصور الخاصة ب 10 years challenge هي انه فئه كبير من الفتيات غيروا هيئتهم، فالبعض قلع الحجاب والبعض الاخر لبس الحجاب..
بس للأسف برغم انه مصر مش بلد حريات وبرغم انه المفترض انه بلاد الغرب هي الاكثر تفتحاً وتقبلً لمعتقدات الغير وطريقة لبسهم اياً كانت، بس من عشرة سنين اتقتلت مروة الشربيني جوه محكمة في المانيا ب 18 طعنة في خلال ثلاث دقايق فقط، علي ايد مواطن الماني متعصب اسمه أليكس دبليو فينز الي كانت مروة رافعه عليه قضية بسبب عنصريته واعتداءه عليها ومحاولته لنزع حجابها، ودا لاعتباره ان اي فتاة ترتدي الحجاب تبقا أرهابية، واما حكمت المحكمة في صالح مروة غضب المجرم وقام بطعن مروة داخل المحكمة 18 طعنة!.
قامت مظاهرات كتير بعدها واتحكم علي القاتل فيما بعد في مارس 2012 بالسجن مدي الحياة، ولكن تبقا النتيجة كما هي، مروة اتقتلت وفارقت الحياة بسبب رفض الاخرين لمعتقداتها وهيئاتها..
من عشرة سنين الا كام شهر، تحديداً 24 اكتوبر 2009 وقعت حادثة "قطار العياط" التي ادت الي 30 قتيل وحوالي 58 مصاب او اكثر، ولحد دلوقتي لم يحاكم فعلياً هيئة أو شخص ما علي الحادث، وكالعادة حق دم الناس الي ماتت راح في الهوا.. واكتفيت الحكومة وقتها بأستقالة المهندس "محمد لطفى منصور" وزير النقل والمواصلات حينها ( فى حكومة نظيف) وكان أول وزير يقدم استقالته فى حكومة نظيف، وساعتها أعلن تحمله المسئولية كاملة للحادث، وأغلقت التحقيقات في القضية علي كدة.
اما بالنسبة للحياة الاقتصادية، فمن عشرة سنين في 2009 الدولار كان قيمته حوالي 5.542 جنيه مصري في حن انه اليوم الدولار وصل سعره ل 17.89 جنيه مصري، اعتقد مفيش شيء يكتب او يعبر عن تدهور الوضع أكثر من الارقام دي ..
في حاجات كتير اتغيرت من عشرة سنين حتي يومنا هذا, بس واضح انه كل حاجه اتغيرت للاسوء ومفيش اي تقدم حصلنا..
