Gürcüstanda saxlanılan Azərbaycan vətəndaşı Elnur Qüdrət oğlu Süleymanov ölkəyə ekstradisiya olunub.
Bu barədə Gununsesi.info-ya Baş Prokurorluqdan məlumat verilib.
“Suraxanı Rayon Polis İdarəsi tərəfindən istintaqı aparılan cinayət işi üzrə Elnur Süleymanov Cinayət Məcəlləsinin 127.2.3 (qəsdən sağlamlığa az ağır zərər vurma xuliqanlıq niyyəti ilə törədildikdə) və 221.1-ci (xuliqanlıq) maddələrində nəzərdə tutulmuş cinayət əməlini törətməsinə əsaslı şübhələr müəyyən edildiyindən, təqsirləndirilən şəxs qismində cəlb etmə haqqında qərar qəbul edilməklə barəsində beynəlxalq axtarış elan edilib.
Elnur Süleymanov Gürcüstanda saxlanılaraq Ədliyyə Nazirliyinin Penitensiar Xidmətinin xüsusi konvoyunun müşayiəti ilə Azərbaycana gətirilib”, -deyə məlumatda qeyd olunub.
