Kolumbiyanın Konstitusiya Məhkəməsi keçmiş prezident Alvaro Uribe barəsində “məhkəmə sistemini korlamağa cəhd etmək” və “şahidlərə rüşvət təklif etmək” ittihamı ilə verilən ev dustaqlığı cəzasını apellyasiya şikayətinin nəticəsi olana qədər ləğv edib.
Gununsesi.info xarici mediaya istinadən xəbər verir ki, Kolumbiyanın Konstitusiya Məhkəməsi Uribenin şikayətinin nəticəsi olana qədər həbsdə saxlanmasının onun konstitusiya hüquqlarını pozduğuna qərar verib və onun azadlığa buraxılmasına qərar verib.
Uribenin vəkilləri məhkəmənin qərarından sonra müvəkkilinin azadlığa buraxılmasını tələb ediblər.
Uribenin qurduğu Demokratik Mərkəz Partiyasından olan millət vəkilləri də keçmiş prezidentə dəstək mesajlarını paylaşıblar.
Keçmiş prezident Uribenin senator İvan Cepedaya qarşı ifadə vermək üçün keçmiş hərbiləşdirilmiş şahidlərə təsir göstərməyə cəhd etdiyi və bu cəhdlərin məhkəmə prosesini manipulyasiya etmək məqsədi daşıdığı müəyyən edilib.
Qeyd edək ki, Boqotanın 44-cü Cəza Məhkəməsinin hakimi Sandra Heredia avqustun 1-də Uribeni “məhkəmə sistemini təhrif etməyə cəhd” və “rüşvət verməklə şahid ifadələrini dəyişdirməyə çalışmaq”da təqsirli bilib və onu 12 il müddətinə azadlıqdan məhrum edib.
Kolumbiya tarixində hökm oxunmuş ilk keçmiş prezident Uribe yaşına və səhhətinə görə cəzasını evdə çəkməyə məcbur edilib.
Onun vəkilləri avqustun 11-də ev dustaqlığına məhkum edilən sabiq prezidentin azadlığa buraxılması tələbi ilə Konstitusiya Məhkəməsinə müraciət ediblər.
Orxan
