မွန်ပြည်နယ်၊ ရေးမြို့နယ်ရှိ စစ်တပ်လက်အောက်ခံ ပြည်သူ့စစ်တစ်ဦးက ပစ္စတိုနှစ်လက် အပါအဝင် ကျည်ဆံနှင့် ဗုံးများလာရောက်အပ်နှံကြောင်း ရေးပြောက်ကျားတပ်ဖွဲ့ (YGF) တာဝန်ရှိသူက ပြောသည်။
ယနေ့ (ဖေဖော်ဝါရီ ၁ ရက်)နံနက် ၉ နာရီခွဲတွင် လာရောက် အပ်နှံသည့် ပစ္စည်းများမှာ ပစ္စတို နှစ်လက်၊၁၆ ကျည် ၆၉ တောင့်၊ ကာဘိုင်ကျည် ၁၀ တောင့်၊ ၄၅ ကျည် ၂၇ တောင့်၊ ၉ မမ ကျည် ၃ တောင့်၊ နာတိုကျည် ၅၀ တောင့်၊ စက်လက် ၁၇ တောင့်၊ ၉ လုံးကျည် ၇ တောင့်၊ ပွိုင့် ၂၂ ကျည် ၄၅ တောင့်၊ လက်ပစ်ဗုံး ၁၁ လုံး၊ ကျည်ခွံ ၆ ခု၊ကျည်ဖူး တစ်ခုနှင့်တို့ ပါရှိသည်။
“သူရဲ့ ဆန္ဒသဘောသဘာဝအလျောက်လာရောက်ပေး ပို့တာဖြစ်တယ်”ဟု YGF တာဝန်ရှိသူက ရှင်းပြသည်။
တပ်ဖွဲ့တည်ထောက်မှု (၂)နှစ် ပြည့်တော့မည်ဖြစ်သည့် YGFသည် စစ်ကောင်စီတပ်အားတိုက်ခိုက်မှုအရ လက်နက် ၁၁လက်ရယူနိုင်ခဲ့ကြောင်းလည်း သိရသည်။
ထို့အပြင် ယခုလ ၂၀ ရက်က မွန်ပြည််နယ်၊ရေးမြို့နယ်အခြေစိုက် အမှတ် (၃၁၇)အမြောက်တပ်မှ စစ်ကောင်စီတပ်သားများကို ကြားဖြတ်တိုက်ခိုက်ရာ ငါးဦးသေဆုံးပြီး လက်နက်သုံးလက်ရရှိကြောင်း ရေးပြောက်ကျားတပ်ဖွဲ့ YGFက ထုတ်ပြန်ထားသည်။
