စစ်ကိုင်းတိုင်း၊ ရွှေဘိုမြို့နယ်ရှိ အိမ်ခြေ ၅၀ကျော် မီးရှို့ဖျက်ဆီးခံခဲ့ရသည့် သရက်ပင်ဝန်းကျေးရွာအတွက် “အညာမီး” ထောက်ပံ့ရေးအစီအစဥ်အတွက် ပါဝင်လှူဒါန်းနိုင်ကြောင်း Shwebo Local PDFအဖွဲ့ တာဝန်ခံက ပြောသည်။
သရက်ပင်ဝန်းကျေးရွာအား အင်အား ၂၀၀ခန့်ရှိသည့် စစ်ကြောင်း သုံးခုဖြင့် ဇန်နဝါရီ ၃၁ရက်က မီးရှို့ဖျက်ဆီးခံခဲ့ရခြင်းဖြစ်ပြီး နေအိမ် ၅၃လုံး ပြာကျခဲ့ကြောင်း Shwebo Local PDFအဖွဲ့ တာဝန်ခံက ပြောသည်။
![သရက်ပင်ဝန်းကျေးရွာ မီးရှို့ခံရပြီးနောက် တွေ့ရစဥ်၊ ဓာတ်ပုံ-Shwebo LPDF](https://i0.wp.com/www.ludunwayoo.com/wp-content/uploads/2023/02/328989939_733811838126940_8812171887971609509_n.jpg?resize=720%2C960&ssl=1)
အဆိုပါ ကျေးရွာရှိ မီးရှို့ခံရသော အိမ်ထောင်စု ၅၃စုအတွက် တစ်အိမ်ထောင်လျှင် ကျပ်သုံးသိန်းထောက်ပံ့ပေးနိုင်ရန် ရည်ရွယ်ထားကြောင်း Shwebo Local PDFအဖွဲ့ တာဝန်ခံက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
“အလှူငွေများ ပိုလာခဲ့ပါကလည်း ကျန်ရွာများက မီးဘေးသင့်များအတွက် သက်ဆိုင်ရာကနေ လှူဒါန်းသွားမှာ ဖြစ်ပါတယ်။ Project ရဲ့အချိန်ကတော့ နှစ်ပတ်ဖြစ်ပြီး အားလုံးလည်း ပါဝင်ကူညီလှူဒါန်းပေးဖို့ တောင်းဆိုအပ်ပါတယ်။”ဟု အထက်ပါ တာဝန်ခံက ပြောသည်။
![သရက်ပင်ဝန်းကျေးရွာ မီးရှို့ခံရပြီးနောက် တွေ့ရစဥ်၊ ဓာတ်ပုံ-Shwebo LPDF](https://i0.wp.com/www.ludunwayoo.com/wp-content/uploads/2023/02/329144262_707605241078066_6055864221450707334_n.jpg?resize=575%2C1024&ssl=1)
စစ်ကောင်စီတပ်သည် မီးရှို့ဖျက်ဆီးပြီး နေအိမ်အချို့မှ လက်ဝတ်ရတနာများပါ လုယူသွားကြောင်း ဒေသတွင်းသတင်းရင်းမြစ်များက ပြောသည်။
အဆိုပါ စစ်ကောင်စီတပ်ကို Shwebo LPDFအဖွဲ့က ပစ်ခတ်တိုက်ခိုက်ရာ ထိခိုက်ဒဏ်ရာများရရှိကြောင်း၊ စာသင်ကျောင်းအတွင်းရှိ ဆေးဝါးများအား အသုံးပြုသွားပြီး စာသင်ဆောင်ကိုလည်း မီးရှို့သွားကြောင်း Shwebo Local PDF အဖွဲ့ တာဝန်ခံက ပြောသည်။
![သရက်ပင်ဝန်းကျေးရွာ မီးရှို့ခံရပြီးနောက် တွေ့ရစဥ်၊ ဓာတ်ပုံ-Shwebo LPDF](https://i0.wp.com/www.ludunwayoo.com/wp-content/uploads/2023/02/328967727_1260692694558818_634859133956012205_n.jpg?resize=720%2C540&ssl=1)
စစ်ကောင်စီတပ်သည် သရက်ပင်ဝန်းကျေးရွာအား မီးမရှို့မီ ရွှေဘိုမြို့နယ်အတွင်းရှိ အင်ကြင်းပင်နှင့် စိုင်တိုးကျေးရွာများကိုလည်း မီးရှို့ဖျက်ဆီးခဲ့သေးသည်။
အဆိုပါကျေးရွာနှင့်ပတ်သက်ပြီး ပါဝင်လှူဒါန်းလိုပါက https://www.facebook.com/Shwe-Bo-Local-People-Defense-Force-105122052113122/?mibextid=ZbWKwL သို့ဆက်သွယ်နိုင်ကြောင်း သတင်းထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)