မကွေးတိုင်း ဂန့်ဂေါမြို့နယ်၊ မင်းရွာရဲစခန်းမှ ရဲတပ်သားတစ်ဦး လက်နက်အတူ အလင်းဝင်လာကြောင်း ဂန့်ဂေါခရိုင်တပ်ရင်း အမှတ်(၁၄) ဒုတပ်ရင်းမှူး မျိုးသူရက ပြောသည်။
အဆိုပါရဲတပ်သားသည် ခရိုင်တပ်ရင်းသို့ အလင်းဝင်ရောက်လာသည့် လေးဦးမြောက် ရဲတပ်သားဖြစ်ပြီး ဖေဖော်ဝါရီ ၁၅ ရက်က ဝင်ရောက်လာခြင်းဟု ၎င်းက ဆိုသည်။
![(အလင်းဝင်ရောက်လာသည့် ရဲတပ်သားအား ဆုငွေပေးအပ်နေစဥ်။ ဓာတ်ပုံ - ပေးပို့)](https://i0.wp.com/www.ludunwayoo.com/wp-content/uploads/2023/03/334945320_884387075950327_6923061886957976399_n.png?resize=768%2C1024&ssl=1)
![(အလင်းဝင်ရောက်လာသည့် ရဲတပ်သားအား ဆုငွေပေးအပ်နေစဥ်။ ဓာတ်ပုံ - ပေးပို့)](https://i0.wp.com/www.ludunwayoo.com/wp-content/uploads/2023/03/329553004_1575771709594090_8844818429809375192_n.png?resize=880%2C661&ssl=1)
အဆိုပါ အလင်းဝင်ရောက်လာသူ လေးယောက်အနက် နှစ်ဦးမှာလက်နက်ဖြင့် ဝင်ရောက်လာခြင်းဖြစ်ပြီး ဆုကြေးပေးရန်လည်း တပ်ရင်းက စီစဉ်နေသည်ဟု ဒုတပ်ရင်းမှူး မျိုးသူရက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
“ CDMဝင်ဖို့သေချာပြီဆိုရင် ကျွန်တော်တို့ဘက်က အစစအရာရာကူညီပေးမှာပါ” ဟု ၎င်းက ပြောသည်။
ဂန့်ဂေါခရိုင်တပ်ရင်း (၁၄)သည် အနောက်တိုင်းတပ်မဟာ (၇)လက်အောက်ခံတပ်ရင်း (၇၀၄)မှ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက ၂၀၂၂ နိုဝင်ဘာတွင် ပြောင်းလဲတာဝန်ပေးခဲ့ခြင်းဖြစ်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)