ပဲခူးတိုင်းနဲ့ ထိစပ်နေတဲ့ ကရင်ပြည်နယ်ထဲက သံတောင်မြို့မှာ မနေ့ မေလ ၂၉ ရက်က စစ်ကောင်စီတပ်နဲ့ KNU တပ်မဟာ (၂) လက်အောက်ခံတပ်တွေကြားတိုက်ပွဲဖြစ်ပွားခဲ့ပါတယ်။
ညနေ ၄ နာရီအချိန်မှာ အပြန်အလှန်ပစ်ခတ်မှုဖြစ်ပွားကာ စစ်ကောင်စီဘက်ကပစ်ခတ်တဲ့ လက်နက်ကြီးကျည်ဟာ မြို့တွင်းကို ကျရောက်ပေါက်ကွဲပြီး နေအိမ်တွေထိခိုက်ပျက်စီးမှုရှိတယ်လို့သံတောင်မြို့ကသတင်းရင်းမြစ်က ပြောပါတယ်။
ဒါအပြင် ဒီနေ့မနက်ပိုင်းအထိ စစ်ကောင်စီဘက်က လက်နက်ကြီးနဲ့ ပစ်ခတ်မှုတွေရှိနေဆဲလို့သိရပါတယ်။
![သံတောင်မြို့မှာ တိုက်ပွဲဖြစ်](https://i0.wp.com/www.ludunwayoo.com/wp-content/uploads/2023/05/350311533_1525112691354948_3339238549721791519_n.jpg?resize=771%2C1024&ssl=1)
လက်နက်ကြီးကျည်ကျ လို့ သံတောင်မြို့ ရပ်ကွက်ထဲက နေအိမ်အချို့ ထိမှန်ပျက်စီးသလို ငွေတောင်ကလေးကျေးရွာက ဆေးပေးခန်းလည်း ပျက်စီးခဲ့ရတယ်လို့ သံတောင်မြို့က သတင်းရင်းမြစ်ကဆိုပါတယ်။
သံတောင်မြို့မှာ ပြီးခဲ့တဲ့ ဖေဖော်ဝါရီလကစတင်ပြီး စစ်ကောင်စီတပ်နဲ့ KNU တပ်မဟာ (၂) တို့ကြာ းစစ်ရေးတင်းမာနေတာပါ။
သံတောင်မြို့ဟာ တောင်ပေါ်အပန်းဖြေစခန်းဖြစ်သလို ပဲခူးတိုင်း၊တောင်ငူမြို့ကနေ ၂၈ မိုင်ခန့်သာကွာဝေးပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)