▪︎ဆန်လေးပြည်နှင့် ဆီတစ်ပိဿာဖိုးသာရှိသည်ဟု CDMဝန်ထမ်းတစ်ဦးပြော
စစ်ကောင်စီက ၎င်းလက်အောက်ခံတပ်သားများနှင့် Non-CDMဝန်ထမ်းကို တစ်လလျှင် ကျပ် ၃၀၀၀၀ အပိုထောက်ပံ့ကြေးအဖြစိပေးမည်ဟု ယနေ့(စက်တင်ဘာ၃၀)ထုတ်ပြန်သည်။
နိူင်ငံတစ်ဝန်း ခုခံတွန်းလှန်စစ်ပွဲများနှင့်ရင်ဆိုင်နေရပြီး စစ်အင်အားပြုန်းတီး စိတ်ဓာတ်ကျဆင်းနေသည့် စစ်သားများနှင့် ဖိအားမျိုးစုံရင်ဆိုင်နေရသည့် NOn-CDMဝန်ထမ်းများအားလုံးကို တစ်ဦးလျှင် စစ်ကောင်စီက တစ်လကျပ် သုံးသောင်းဖြင့် နှစ်သိမ့်လိုက်ခြင်းဖြစ်သည်ဟု CDMဝန်ထမ်းများကဆိုသည်။
လက်ရှိတွင် ကုန်ဈေးနှုန်းကြီးမြင့်ပြီး ပေါ်ကျွဲဆန်တစ်အိတ်ကို ကျပ် ၁၁၀,၀၀၀၊ စားအုန်းဆီ တပိဿာကို ကျပ် ၁၀၀၀၀ ကျော်ရှိနေချိန်တွင် စစ်ကောင်စီက ဝန်ထမ်းအားလုံးကို ကျပ် ၃၀၀၀၀ လစဉ်ထောက်ပံ့ခြင်းသည် ထိရောက်မည်မဟုတ်ကြောင်း ပညာရေးဝန်ထမ်းတစ်ဦးကပြောသည်။
“အခြေခံဝန်ထမ်းတစ်ဦးက တလကျပ် ၁၄၀,၀၀၀လောက်ပဲရနေချိန်မှာ ဆန်တအိမ်ကို ကျပ် တစ်သိန်းကျော်ဆိုတော့ Non-CDM ဝန်ထမ်းလုပ်သူတွေ အတော်အကျပ်အတည်းကျနေတာပေါ့။ ဒါကို ၃သောင်းနဲ့ အချိုသတ်လိုက်တာပဲ။ ဒါက ဆန် ၄ ပြည်ဖိုးနဲ့ ဆီ တစ်ပိဿာဖိုးရတာပေါ့”ဟု ၎င်းကဆိုသည်။
ထိုကျပ်သုံးသောင်းသည် လစာအပြင် လစဉ်အပိုခံစားခွင့်ဖြစ်သည်ဟုလည်း စစ်ကောင်စီကဆိုထားသည်။
Public Service Announcement
ထိုအပြင် ဌာနဆိုင်ရာမှ နေ့စားဝန်ထမ်းများကိုလည်း တရက်လျှင် ကျပ် ၁၀၀၀အပိုဆောင်းမည်ဟုလည်း စစ်ကောင်စီက ဆိုသည်။
