စစ်ကောင်စီတိုက်ခိုက်မှုကြောင့် တစ်ပတ်အတွင်း ကလေးငယ်များအပါအဝင် ပြည်သူ ၁၂ဦးသေ၊ ၃၀ကျော် ဒဏ်ရာရ
ရှမ်းပြည်နယ်မြောက်ပိုင်း ကွတ်ခိုင်မြို့နယ်ရှိ ကာလိုင်ကျေးရွာကို စစ်ကောင်စီတပ်က လေကြောင်း တိုက်ခိုက်ခဲ့၍ အမျိုးသမီးတစ်ဦးသေဆုံးခဲ့ကြောင်း တအာင်းတပ်မတော် (TNLA) က သတင်းထုတ်ပြန်သည်။
ကွတ်ခိုင်အပါအဝင် ရှမ်းမြောက်ဒေသ အများအပြား၌ TNLA နှင့် မဟာမိတ်တပ်ဖွဲ့များက စစ်ကောင်စီကို တိုက်ခိုက်လျက်ရှိရာ တိုက်ပွဲများ ပြင်းထန်နေသော်လည်း ကာလိုင်ရွာ၌ တိုက်ပွဲမရှိဘဲ စစ်ကောင်စီက ဗုံးကြဲလာခြင်းဖြစ်သည်ဟု အသိပေးသည်။
စစ်ကောင်စီက ကာလိုင်ရွာကို ဗုံး ၉လုံးပစ်ခတ်တိုက်ခိုက်ခဲ့ရာ အမျိုးသမီးတစ်ဦးပွဲချင်းပြီး သေဆုံးခဲ့သည့်အပြင် နေအိမ်သုံးလုံး နှင့် ကာလိုင်စျေးတို့ထိမှန် ပျက်စီးခဲ့ကြောင်း TNLAကထုတ်ပြန်သည်။
TNLA အပါအဝင် မဟာမိတ်တပ်များက ဆင်နွှဲနေသည့် ‘၁၀၂၇ စစ်ဆင်ရေး’ကာလအတွင်း ယခင်ကလည်း စစ်ကောင်စီ၏ လေကြောင်း တိုက်ခိုက်မှု လက်နက်ကြီးပစ်ခတ်မှုကြောင့် အရပ်သားသေဆုံးထိခိုက်မှုများ ရှိခဲ့သည်။
စစ်ဆင်ရေးစတင်ခဲ့သည့် အောက်တိုဘာ ၂၇ရက် မှ အောက်တိုဘာ ၃၁ရက်အထိ စာရင်းများအရ စစ်ကောင်စီ၏ တိုက်ခိုက်မှုများကြောင့် အရပ်သား ပြည်သူ ၁၁ဦးသေဆုံးခဲ့ပြီး ၃၄ဦး ဒဏ်ရာရခဲ့ကြောင်း TNLAက ထုတ်ပြန်ထားသည်။
Public Service Announcement
ယင်းသေဆုံးသူများအနက် ၅ဦးမှာ ကလေးငယ် များဖြစ်သည်ဟု အသိပေးသည်။
