စစ်ကိုင်းတိုင်း၊ ဘုတလင်မြို့နယ်တွင် ပြည်သူ့ကာကွယ်ရေးတပ်ဖွဲ့(PDF)ရဲဘော် ၄၀ကျော်ကို မောင်းသူမဲ့လေယာဥ်ငယ်သင်တန်း ပို့ချပေးခဲ့ကြောင်း Chindwin Brothers (D.G.F တပ်ခွဲ) ဒရုန်းအဖွဲ့မှ တာဝန်ရှိသူက ပြောသည်။
နိုဝင်ဘာအတွင်း ဘုတလင်မြို့နယ်တွင် ပြည်သူ့ကာကွယ်ရေးတပ်ဖွဲ့ (၁၇)ဖွဲ့မှ သင်တန်းသား ရဲဘော် ၄၂ဦးအား Shar Htoo Waw နည်းပညာသုံး မောင်းသူမဲ့လေယာဉ်ငယ် သင်တန်းအား ၁၀ရက်ကြာ ပို့ချပေးခဲ့ကြောင်း Chindwin Brothers (D.G.F တပ်ခွဲ) ဒရုန်းအဖွဲ့မှ တာဝန်ရှိသူက ပြောသည်။
ဘုတလင်အပါအဝင် အခြားသောမြို့နယ်များရှိ စစ်ကောင်စီတပ် အထိုင်ချနေသော စခန်းများကို နေ့စဉ်နှင့်အမျှ တိုက်ခိုက်နိုင်ရေး၊တော်လှန်ရေးအင်အားစုများ ပေါင်းစည်း၍ တညီတညွတ်တည်းလုပ်ဆောင်နိုင်ရေးတို့ ရည်ရွယ်ပြီး သင်တန်းပို့ချခဲ့ခြင်းဖြစ်ကြောင်း Chindwin Brothersအဖွဲ့က အသိပေးသည်။
“သင်တန်းသားတွေက နယ်ကတော့အစုံပဲ။ ဘုတလင်ကများတာပေါ့။ ဒါကပထမဆုံးသင်တန်းပါ။ နောက်ထပ်တော့ သင်တန်းအဖွဲ့တွေနဲ့ ပူးပေါင်းလုပ်ဆောင်သွားဖို့ရှိတယ်။ Drone ကတော့ဆင်ပေးခဲ့တယ်။ အကုန်လုံးတော့ မဟုတ်ဘူးပေါ့။မလောက်လို့။ ပစွည်းကလည်း မှာပြီးသွားပြီ။”ဟု Chindwin Brothers (D.G.Fတပ်ခွဲ) ဒရုန်းအဖွဲ့မှ တာဝန်ရှိသူက ပြောသည်။
သင်တန်းပို့ချနိုင်ရန် တော်လှန်ရေး UZအဖွဲ့ နှင့် ဘုတလင်မြို့နယ် အုပ်ချုပ်ရေး၊ကာကွယ်ရေးအဖွဲ့များ၊ ဒေသခံရွာသူ၊ရွာသားများက နေရာစီစဥ်ပေးခဲ့ကြောင်း သိရသည်။
Public Service Announcement
