ဝန်ထမ်းတွေရဲ့ သေဆုံးမိသားစုဝင်တွေကို စစ်​ကောင်စီကကြံ့ဖွံ့အတွက်ကြိုတင်မဲအဖြစ်ထည့်​နေ

ဒီဇင်ဘာ၂၉၊၂၀၂၅၊ရှိန်း / People’s Spring

မန္တလေးတိုင်း၊မတ္တရာမြို့နယ်မှာ စစ်​ကောင်စီလက်​အောက်ခံ အရပ်ဘက်ဝန်ထမ်းမိသားစု​တွေထဲက သေဆုံးပြီးသူ ​တွေရဲ့အမည်စာရင်းပြုစုခိုင်းပြီး ကြိုတင်မဲစာရင်းထဲ ထည့်ခိုင်းနေတယ်လို့ ဝန်ထမ်း တွေအချို့က​ပြောပါတယ်။

မတ္တရာမြို့နယ်မှာစစ်တပ်ကရွေးကောက်ပွဲကို အပိုင်း ၂ အဖြစ်ဇန်နဝါရီလ ၁၁ရက် နေ့မှာပြုလုပ်မယ်လို့ သိရပါတယ်။

အဲဒီရက်မတိုင်ခင် မတ္တရာမြို့နယ်က စစ်ကောင်စီ ဝန်ထမ်း တွေကို သူတို့ရဲ့သေဆုံးပြီး အဘိုး၊အဘွားစာရင်း​တွေကအစ စာရင်းပြန်လုပ်ခိုင်း ပြီး ကြိုတင်မဲ ထည့်ခိုင်းနေတယ်လို့ ဝန်ထမ်း တချို့ကပြောပါတယ်။

Public Service Announcement

“ သေဆုံးသူတွေရဲ့နံမည်တွေပါရေးခိုင်းပြီး စကစလက်အောက်ခံကြံ့ဖွတ်က စာရင်းဇယားလုပ်ခိုင်းပြီး ဝန်ထမ်းတွေကို သူတို့ရဲ့မဲထဲကိုသေဆုံးသူနာမည်စာရင်းတွေအတိုင်း မဲ့ထည့်ခိုင်းတယ်” လို့ ဝန်ထမ်းတဦး ကပြောပါတယ်။

ရွေးကောက်ပွဲအတွက်ဆိုပြီး ဒီစာရင်း တွေလုပ်ဖို့ စစ်​ကောင်စီ ဝန်ထမ်း​တွေကို မနက်၆နာရီကနေ ည ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌၁၀နာရီအထိပါ အလုပ်ဆင်းခိုင်းနေတယ်လို့လည်းစုံစမ်းသိရပါတယ်။

စစ်တပ်​ရွေး​ကောက်ပွဲမှာမဲစာရင်း​တွေအလွန်မှား​ပြီး ​သေဆုံးပြီးသူ​တွေရဲ့ အမည်စာရင်း​တွေပါပြီး အသက်ရှင်​​နေသူ​တွေရဲ့အမည်မပါတဲ့ဖြစ်စဥ်​တွေများ​နေတယ်လို့ ရန်ကုန်မြို့က ပြည်သူအချို့က​ပြောပါတယ် ။

“ မဲစာရင်းစစ်ဖို့လာပြောကတည်းက အိမ်က မိန်းမက ကြောက်ကြောက်နဲ့သွားစစ်တာ ကျွန်တော့်နာမည်ပါမလာဘူး။အရင်လေးငါးနှစ်လောက်ကသေသွားတဲ့ အမေ နာမည် နဲ့ အဒေါ်နာမည်တွေပါတယ်။ကျွန်တော့် နာမည်ပါလဲ မဲထည့်စရာအကြောင်းမရှိဘူး။ဒီနေ့ ကျွန်တော်နေတဲ့ ရပ်ကွ​က်ရော အနီးနားက ရပ်ကွက်တော်တော်များများ မဲရုံတွေမှာ မဲလာထည်တဲ့သူ သိပ်မတွေ့ရဘူး။အရင် ရွေးကောက်ပွဲလို လူတွေက လက်သန်း တထောင်ထောင်နဲ့ အခြေအနေက အခုဆို ပြောင်းပြန်ပဲ” လို့ ရန်ကုန်မြို့နေ အမျိုးသားတစ်ဦးကပြောပါတယ်။

အလားတူအခြားအမျိုးသားတဦးကလည်း သူ့အိမ်ကမဲစာရင်းမှာ ​သေဆုံးသွားပြီးဖြစ်တဲ့ အ​မေ ၊အဖွား ၊အကိုအမည်​တွေပါဝင်ပြီး သက်ရှိထင်ရှားရှိတဲ့သူ့အမည်ပါမလာခဲ့ဘူးလို့​ပြောပါတယ်။

​ရွေး​ကောက်ခံအရပ်သားအစိုးရကို မဲစာရင်း​တွေမှားတယ်ဆိုပြီး တမင် အပြစ်ရှာပြီး အာဏာသိမ်းခဲ့တဲ့စစ်တပ်ဟာကိုယ်တိုင်စိတ်တိုင်းကျမဲစာရင်း​တွေပြုစုတာမှာအမှားအယွင်းများ​နေတာဖြစ်ပါတယ်။

မတ္တရာမြို့နယ်အ​ရှေ့ခြမ်းကို ၁၀၂၇ စစ်ဆင်​ရေးဒုတိယပိုင်းမှာ ပြည်သူ့ကာကွယ်​ရေးတပ်မ​တော်(မန္တ​လေး) နဲ့မဟာမိတ်​တွေက သိမ်းပိုက်ထိန်းချုပ်နိုင်ခဲ့​ပေမယ့် ၂၀၂၅နှစ် နှစ်ဆန်းပိုင်းကစပြီးစစ်တပ်ကတန်ပြန်ထိုးစစ်ဆင်ပြီး နှစ်ကုန်ပိုင်းမှာပြန်ထိန်းချုပ်နိုင်ခဲ့ပါတယ် ။စစ်တပ်က မတ္တရာမြို့နယ်အရှေ့ခြမ်းက ကျေးရွာတချို့မှအပ ကျန်​ဒေသ​တွေကို ​ရွေး​ကောက်ပွဲလုပ်ဖို့ စီစဥ်​နေပြီး မြို့နယ်ရဲ့ ၇၀ ရာခိုင်နှုန်းအထိ ​ရွေး​ကောက်ပွဲလုပ်မယ်လို့ ဆိုပါတယ်။

စစ်တပ်က ​ရွေး​ကောက်ပွဲအပိုင်း (၁)လုပ်ပြီး ဒီဇင်ဘာ ၂၈ညမှာ မဲ​ပေးသူများပြီး ကြံ့ဖွံ့ပါတီအပြတ်အသတ်နိုင်​နေတယ်လို့ ဝါဒဖြန့်​နေကြပါတယ်။