ဇန်နဝါရီ-၂၃၊ ၂၀၂၆။ဆဏ်း/People’s Spring
တော်လှန်အနုပညာရှင် တယောဖိုးစံက သူ့ရဲ့ ပထမဆုံး တစ်ကိုယ်တော်ခွေ The Sound Of 36 ကို မွေးနေ့မှာ ဖြန့်ချိလိုက်ပါတယ်။
“ ဒီနှစ်အတွက် ကျွန်တော်လိုချင်တဲ့ မွေးနေ့လက်ဆောင်ကတော့..” The Sound Of 36″ album ထဲက ၃၆ နှစ်သားတစ်ယောက်ရဲ့ သီချင်းတွေကို နားထောင်စေချင်တာပါပဲခင်ဗျာ။” လို့ မွေးနေ့ရှင်က တောင်းဆိုထားပါတယ်။
အခွေကို သူ့ရဲ့မွေးနေ့ ဒီနေ့(ဇန်နဝါရီ ၂၃)မှာဖြန့်ချိပေးတာဖြစ်ပြီး လက်ရှိမှာ ထိုင်း ၊ စင်ကာပူ ၊ ဂျပန် ၊ အမေရိကန် တို့က မှာယူနိုင်သလို ဩစတေးလျ နဲ့ ယူကေမှာလည်း မကြာခင်မှာယူနိုင်မယ်လို့ ဆိုပါတယ်။
Public Service Announcement
သီချင်းစုစုပေါင်း ဆယ်ပုဒ်ပါဝင်မှာဖြစ်ပြီး တော်လှန်ရေးနဲ့ဆိုင်တဲ့ သီချင်း နှစ်ပုဒ်နဲ့ အချစ် သီချင်းတွေလည်း ပါဝင်မယ်လို့သိရပါတယ်။
“ တော်လှန်ရေးကာလမှာ တော်လှန်ရေးသီချင်းတွေ တောက်လျှောက် တီးကြ၊ ခတ်ကြ၊ လုပ်ကြတာပေါ့။ ဒါကတော့ တော်လှန်ရေးလည်း ပါတယ်၊ တော်လှန်ရေးမဟုတ်သော အခြားသော သီချင်းအမျိုးအစားတွေကိုလည်း နားထောင်စေချင်တယ်။ ကွဲထွက်သော သီချင်းအသစ်တွေကိုလည်း ချပြချင်တယ်ပေါ့။ ဒီရည်ရွယ်ချက်ပေါ့။” လို့ ကိုဖိုးစံက ပြောပါတယ်။
သီချင်းတွေကို USB Stick Box နဲ့ ထုတ်ပေးမှာဖြစ်ပြီး အရေအတွက် ၄၀၀လောက်ပဲ ထုတ်ထားဝာာဖြစ်သလို Box တိုင်းမှာ အမှတ်တရ လက်မှတ်ရေးထိုးပေးထားတယ်လို့ ဆိုပါတယ်။
တယောဖိုးစံက ပြည်သူ့ကာကွယ်ရေးအဖွဲ့တွေ အတွက် ရန်ပုံငွေရှာဖွေရေးတွေမှာ သူတတ်ကျွမ်းတဲ့ အနုပညာနဲ့ အမြဲတမ်းပါဝင်ကူညီနေသူပါ။
