အမေရိကန်နိုင်ငံ၊ တက္ကဆတ်ပြည်နယ် ဖော့တ်ဝပ် Fort Worth မြို့က ဟွန်ဒေါင်း ကျောင်းတော်က ငြိမ်းချမ်းရေးဓမ္မခရီးစဉ် ဆရာတော်များဟာ ဧပြီလ ၂၂ ရက်က သီရိလင်္ကာနိုင်ငံမှာ ဓမ္မခရီးစဉ် စတင်ခဲ့ကြပါတယ်။
ဗုဒ္ဓဘာသာဘုန်းတော်ကြီး အရှင်ပညာကာရ ဦးဆောင်ပြီး အခုခရီးစဉ်မှာ ပါဝင်ခဲ့တဲ့ သံဃာတော် ၁၃ ပါးဟာ တူရကီနိုင်ငံ၊ အီစတန်ဘူ လေဆိပ်ကနေ တစ်ဆင့် သီရိလင်္ကာနိုင်ငံကို ဧပြီ ၂၁ ရက်မှာ ရောက်ရှိခဲ့ကြတာဖြစ်ပါတယ်။
သီရိလင်္ကာကို ဆိုက်ရောက်တဲ့ ဧပြီ ၂၁ ရက်နေ့မှာပဲ အတ္တနာဂါလာ ရာဇမဟာ ဝိဟာရ (Attanagalla Rajamaha Viharaya) ကျောင်းတိုက်မှာ သတင်းစာရှင်းလင်းပွဲတစ်ခု ပြုလုပ်ခဲ့ရာမှာ ဆရာတော်ကြီး ရတနဂုဏနဲ့ ဆရာတော် အရှင်ပညာကာရတို့က ဒီငြိမ်းချမ်းရေးခရီးစဉ်ရဲ့ နက်နဲတဲ့ ရည်ရွယ်ချက်နဲ့ သာသနာပြုလုပ်ငန်းတွေအကြောင်းကို စိတ်လှုပ်ရှားကြည်ညိုဖွယ် မိန့်ကြားခဲ့ကြပါတယ်။
အမေရိကန် ငြိမ်းချမ်းရေးခရီးစဉ်တုန်းကလိုပဲ အခုခရီးစဉ်မှာလည်း Walk for Peace ဆရာတော်များနဲ့အတူ အားလုံးရဲ့ အချစ်တော် ခွေးလေး Aloka လည်း ပါလာခဲ့ပြီး သူကိုလည်း သီရိလင်္ကာရဲ့ အထူးတပ်ဖွဲ့ဝင်တွေက ကူညီစောင့်ရှောက်ပေးခဲ့ကြတာ တွေ့ရပါတယ်။
ငြိမ်းချမ်းရေးခရီးစဉ် ဆရာတော်များအဖွဲ့ဟာ ဧပြီလ ၂၈ ရက်နေ့မှာ မြို့တော် ကိုလံဘိုကို ရောက်ရှိဖို့ စီစဉ်ထားပြီး မေလ ၁ ရက်နေ့မှာတော့ အမေရိကန်နိုင်ငံကို ပြန်လည်ကြွချီမှာ ဖြစ်ပါတယ်။
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် /qurium/myanmar-now.org/mm-members.html တွင် ကူညီနိုင်ပါသည်။
