Elçin Əliyev
1987-ci ildə YUNESKO tərəfindən Beynəlxalq Memarlıq Akademiyası təsis edilmişdir. Sovet İttifaqı Akademiyanın üzvü idi, lakin SSRİ dağılandan sonra, 1991-ci ildə Rusiya onun hüquq və öhdəliklərinin varisi oldu və bunun əsasında Beynəlxalq Memarlıq Akademiyasının Moskva
bölməsi yaradıldı.
O vaxtdan bəri post-Sovet ölkərindən Gürcüstan, Belarus, Özbəkistan, Qazaxıstan, Ukrayna və hətta Ermənistan da memarlıq sahəsində bu ən nüfuzlu təşkilatın tam hüquqlu müstəqil üzvlərinə çevriliblər.
Azərbaycan isə, təbii ki, yox.
Axırı, təmtəraqla, 2016-cı ilin əvvəlində Bakıda BMA-nın … Moskva bölməsinin Azərbaycan Akademik Mərkəzi açıldı – yəni, hətta bizim nanəcib qonşularımızda da olduğu kimi müstəqil nümayəndəlik yox, Rusiya nümayəndəliyinin bölməsi.
Hansı səbəbdən? Düşünürəm ki, bu yolla öz işlərini «çevirmək» və tərəfdaşlarına adlar hədiyyə etmək daha rahatdır – dürüst avropalılarla belə işlər alınmaz.
Nümunə kimi mənim 29 mart 2016-cı ildə Bakıdakı Azərbaycan Akademik Mərkəzin üzvlüyü üçün verdiyim başıbəlalı ərizəmi göstərmək olar. Tələb olunduğu kimi, işlərimin albomuni, icra edilmiş layihələrin siyahısını, müəllifi olduğum kitabların bir neçə nüsxəsini, qalan zəruri sənədləri
təqdim etdim və başladım gözləməyə.
Artıq beş ildir ki, gözləyirəm. İş isə ondadır ki, bir neçə il əvvəl Azərbaycan Memarlar İttifaqının məsul katibi vəzifəsində çalışarkən, mən ərizəmi yazdım və təşkilatda mövcud olan korrupsiya və qohumbazlığa qarşı etiraz edərək istefa etdim. O vaxtdan bəri, mən Memarlar İttifaqında persona non-qrata olmuşam və mənim Akademiyaya üzvük üçün verdiyimin ərizəmin və təqdim edilmiş sənədlərin taleyinə aydınlıq gətirmək səylərim cavabsız qalır.
Bu heç də qısa olmayan dövr ərzində heç bir elmi dərəcəsi olmayan, heç bir elmi əsər və ya icra edilmiş layihələrin müəllifləri olmayan çox sayda Azərbaycan memarları Akademiya üzvlüynə qəbul olunub və yüksək üzv adı ilə təltif olunublar. Onlar üçün çox şadam, afərin onlara!
Bəs onda sənətşünaslıq üzrə elmlər doktoru, alim və ölkəmizin memarlıq tarixi üzrə bir çox kitabların müəllifi də niyə görə dünya elmi cəmiyyətinin üzvü olmasın? Belə çıxır ki, olmaz!
Təəssüf ki, güman etdiyim kimi, Azərbaycan Akademik Mərkəzi, yerli Sədri tərəfindən onun siyasətini dəstəkləyən seçilmiş şəxslər klubuna çevrilib (necə siyasət olduğunu yuxarıda oxuya bilərsiniz).
Heç təsadüfi deyil ki, bu ilin ortalarında Bakı bölməsi Bürosunun üç üzvlərindən biri mənimlə əlaqə saxladı və, Sədrin adından, Memarlıq İttifaqı Sədrinin ünvanına tənqidin dayandırılması əvəzinə sənədlərimə «yol» verməyi təklif etdi. Buna nə qiymət vermək olar? Mən, əlbəttə ki, qəti
şəkildə razılaşmadım və bu nanəcib təklifi rədd etdim.
Bundan sonra gözləməyin artıq mənasız olduğunu anlayaraq mən, bu günlərdə Moskvaya məktub yazaraq Bakı bölməsi tərəfindən törədilən maneçiliyə baxmayaraq sənədləri Rusiyada
şəxsən təqdim etməklə mənə birbaşa Beynəlxalq Memarlıq Akademiyasına üzv olmaq üçün imkan yaradılmasını xahiş etmişəm.
Korrupsiyalı əl Bakıdan Mokvadakı «yeyib-içmək yoldaşlarına» təsir edə bilsə – nahaq yerə onları dövlət büdcəsi hesabına qəbul etmirik ki, – Parisə, YUNESKO-nun qərargahına yazacam. Yazmağı isə mən bacarıram. İndi mətbəxdə oturub düşünürəm: axı bu, bir biabırçılıqdır! Rusiyada və təşkilatın qərargahında barəmizdə nə düşünəcəklər? Bəs mən nə edim, dostlar?!