Emil Səlim
Məlumata görə, bu dövlət universitetində hazırda, xüsusilə Distant şöbədə ciddi təhsil haqqı toplanılması problemi yaranıb. Tələbələr bəlli səbəblərdən təhsil haqqını ödəyə bilmir və bu səbəbdən Universitet üçün müəllimlərin maaşını ödəməsi mümkünsüz olub.
İqtisad Universitetinin Distant şöbəsi keçid hesab olunan yeni bir təhsil sistemi ilə dərslər təşkil edir. Bu sistemə görə, müəllim-tələbə kontaktı minimuma endirilir, imtahanlar elektron test üsulu ilə təşkil olunur. Beləliklə, klassik rüşvət mexanizmi tamamilə aradan qaldırılır. Əgər işlər plan üzrə gedərsə, İqtisad Universitetini bu uğurlu modeli digər təhsil ocaqları üçün də nümunəvi ola bilər. Lakin!
Hazırda UNEC Distant şöbədə müəllimlərin maaşını ödəməyə bilmir. Təsəvvur edə bilirsizmi, neft ölkəsi, hər fürsətdə neft fondunun vəsaitləri ilə öyünən ölkə rəhbərliyi dövlətin balansında olan bu ali məktəbə yetərli pul ayırmır! Maaşlar isə təbii ki tələbələrın ödənişi hesabına həll edilməli olur.
Buradan dövlət rəhbərliyinə, aidiyyatı strukturlara sələnirəm: Bu problem ən qısa zamanda həll olunmalıdır. Gənclərin təhsilə təşviqi belə olmur. Hər il minlərlə tələbənin məyər təhsil haqqı probleminə görə təhsili yarım qalmırmı? Bu acınacaqlı durum təciili olaraq aradan qaldırılmalıdır. Pandemiyanın yaratdığı çətinliklər nəzərə alınmalı, universitetin hazırda ehtiyac yaranan maddi təminat problemi həll olunmalıdır.
(Foto şərtidir)