Муштумзўр спортни аслида ким?

21 августидан 22 августга ўтар кечаси Навоий шаҳридаги Тинчлик плаза меҳмонхонасида Параолимпия чемпиони дўстлари билан бўкиб ичиб маишат қилишди. Соат кечаси 1:30 да меҳмонлар зиёфат ҳақини тўламай қочиб кетишга уринишди. 

Параолимпия чемпионининг Президент совға қилган мошина рақами: 01 P 333 PP. Қочоқ меҳмонлар изидан меҳмонхона ходими Усмонов Мақсуджон югуриб чиқди ва зиёфат пулини тўлашни сўради.

Катта эҳтимол билан текин маишатга ўрганиб қолган параолимпиадачи бу талабни ҳазм қилолмади. Шунинг учун Мақсудбекни бир уриб ҳушидан кетқизган. Йигитда зарба таъсири сабаб судорги  бошланди. 

Ҳамкасблари йигитчани Тез тиббий ёрдам маркази Навоий филиалига олиб боришди. Дўхтрилар юзаки муолажа қилиб Мақсудбекни уйига жўнатиб юборди.

Эртаси куни аҳволи ўнгланмаган йигит МРТ таҳлили топширди – бош мия чайқалиши. Ташхисни экстренний банисадаги нейрохирург Жўраев Зуҳриддин тўғри аниқлади ва 102 га хабар берди. 

Кўриб қўйинг, Ўзбекистонни дунёга танитаман дея агрессив ташвиқот ишларига бел боғлаган овсарлар! Юксакларга кўтар-кўтар қилганингиз спортчи зўравонлик ортидан текин маишат қилиб, ўзидан 10-12 ёш кичик йигитчани уриб майиб қилди. 

Бу ҳали ногирон Параолимпия чемпиони экан, тўрт мучаси соғ спортчилардан нима каромат кутиш мумкин?