Рус миллатчиси ўлдирган ўсмир жасади Тожикистонга олиб келинди

Тожикистон Москва вилоятидаги мактабда рус миллатчиси томонидан ўлдирилган 10 ёшли Қобилжон Алиев билан видолашмоқда

Тожикистоннинг Шаҳринав туманида Москва вилоятидаги мактабда тўққизинчи синф ўқувчиси Тимофей К.нинг ҳужуми натижасида ҳалок бўлган 10 ёшли Қобилжон Алиев билан видолашув маросими бошланди.

Боланинг жасади эрталаб Тожикистонга олиб келинди ва Шаҳринав туманидаги Ажам қишлоғида яшовчи қариндошларидан бирининг уйига етказилди.

Душанбе аэропортида «Азия-Плюс» журналистларига жасадни олиб чиқиш жараёнини видеога олишга рухсат берилмади. Чеклов сабаблари тушунтирилмаган. Ажам қишлоғининг ўзида ҳам тасвирга олиш тақиқланди — маҳаллий маъмурият вакили дафн маросими ўтказилаётган жойни «суратга олмаслик ҳақида кўрсатма берилганини» маълум қилди.