السلطة الأبوية .. جهنم الأرض
أوعى تفتكر أن اهلك اتحكموا فيك لما وصلت ثانوي وكنت عايز تدخل الكلية اللي حاببها فأتقالك لا يا مودي ادخل الكلية اللي انا أو بابا كنا حابين ندخلها زمان بس التنسيق خانا او اللي كنا حابين ندخلها ومعرفناش فلازم انت تدخلها السلطة الأبوية تمارس عليك من قبل حتى ما تيجي!!
مبروك يا مدام بقيتي حامل جملة بسيطة في حروفها وكبير في معناها من اول اللحظة دي والأب والأم بيتحولوا لوزارة تخطيط كاملة للطفل ده
من اول الولاده لغاية ما تجوزوا وهو لسه في بطنها تخيل يا مؤمن!!
فما بالك لما يجي بيعملوا فيه ايه بس مش بيكون بعيد عن اللي اتعمل فيهم كل أب وأم بنسبة كبيرة بيبقوا عاوزين يكونوا نسخة هما كمان من أهاليهم
بيبتدي يتخططلك كل حياتك زي ما هما عاوزين مش هكذب واقول بيبقوا قاسين لا هما بيخلقوا من نفسهم أجنحة تحاوطك وتحميك
لغاية ما يجي الوقت اللي هتكون فيه خلاص بقى ليك أجنحة وعاوز تنطلق
اول ناس هتكسر الأجنحة دي هيكونوا هما!!!!!
ظنآ منهم انك لما متبقاش محتاج للاجنحة بتاعتهم انهم خلاص فقدوا السيطرة عليك او بمعنى أصح ضيعت منهم!!!
عاوزينك طول الوقت محتاجلهم وصوتك مش من دماغك لا من دماغهم هما؟
كم مره اتمارست السلطة الأبوية عليك مش دون داعي
انتي كأم ليه تختاري لأبنك العروسة وهو عاقل راشد وعنده قلب وممكن جدا يكون بيحب ليه انتي تختاريله هل هو غير راشد مثلا؟!
وانت كأب ليه ترفض جواز بنتك من شب بيحبها وهيصونها مش واحد جاي يشتري منتج مش يتزوج؟! هو بنتك دي عدوتك علشان تعمل فيها كده؟!
ليه كأهل لو عرفتوا أن العريس /العروسة كان في قصة حب بينهم وبين أولادكم بترفضوا!! انتو كأهل بتعلموا اللي يوجع قلبهم طول حياتهم؟
ليه القسوة دي ورفض الرأي في موضوع اصلا مش حقكم فيه غير النصح والإرشاد؟!!!!!!
ليه ترفض أن بنتك تدرس وتبقى حاجه ناجحه في المجتمع وليها قيمة؟!
ليه ترفض أن ابنك يدخل الكلية اللي بيحبها لأجل أعراض ليك لوحدك؟!
ليه ترفض أن ابنك يلعب في البيت بوت عالي ويضحك ويفرح؟!
ليه ترفض أن بنتك تسافر تكمل دراستها بره ويبقى ليها الحياة الخاصة بيها؟! ليه ترفض أن بنتك تأجل الجواز لغاية ما تحس انها اد الخطوة دي؟!
ليه ترفض شغل ابنك بشهادته لأجل شغله معاك سيبه يبني نفسه بنفسه يبقى بيعمل حاجه ويفرح بيها وهي كل يوم بتكبر يوم عن يوم؟!
ليه ترفض شغل بنتك اومال هي اتعلمت ليه؟!
ليه تعنف ابنك لو عاطل أو تعايري بنتك لو بقت في نظرك عانس
وانت كبير تمارس عليك السلطة الأبوية في قرارات مصيرية
وانت وصغير تمارس بضو عليك بس الفرق انت وكبير قادر يكون صوتك من دماغك ومتسمعش كلامهم وانت وصير فأنت لا حول ليك ولا قوة ولو
ذكي وسابق سنك وضدها تلقائي بيتقال عليك شقي مشاغب ووحش ونوتي
ليه دايما كأهل مش مشجعين لولادكم!!
ليه مفيش حرية، مفيش حب، مفيش تفاهم، ليه مفيش تشجيع
انتو مش علشان اتعمل معاكو كده تعملوا معانا كده
الإنسان دايما بيحب يطور من نفسه ليه مش عاوزين تطوروا من نفسكو للأحسن علشانكم اولا وعلشانا احنا كمان
مفهاش حاجه حتى لو بقيتوا أجداد تعتروا بأخطائكم وتصلحوا من نفسكو
