ياسمين صبري لا تصلح لشئ
وقت ظهور ياسمين صبري على الساحة وشاشات التلفزيون والسينما، انبهر الجميع بهيئتها وجسمها الجميل المتناسق وملامحها الجاذبة المميزة، وصورها علي الانستجرام الي بتشارك بيها جمهورها دايماً وهي تمارس الرياضة بكل خفه ودلع
كل ما تم ذكره سابقاً جعل الجميع يتجاهل ويتغاضى عن فشلها الذريع في التمثيل وانعدام موهبتها في الأداء اياً كانت الشخصية الي بتمثلها.
وبعد وقت من الشهرة أصبحت الفنانة ياسمين صبري تريند ومحبوبة وليها جمهورها الي بيحب يشوفه علي الشاشة فا بدأت تتطلب وتظهر في برامج تلفزيونية فيها حوار وتفاعل فا ظهر لينا دمها التقيل وشخصيتها السخيفة الي عكس شكلها تماماً
ولكن مازالت الفنانة وشها وجسمها بيجيب مشاهدات وجمهور، وبالتالي بيجيب إعلانات.. لذلك غض المخرجين النظر عن كل المواصفات الي في الفنانه اللي بتقول انها لا تصلح كممثلة واستمروا في عرض الأدوار عليها في المسلسلات، واستمرت الفنانة في التمثيل وفي فعل الـ لا شئ في أداء ادورها، فكل تعبيرات وجهها واحده، مفيش اي محاولات أو تدريبات لتطوير أدائها ومهاراتها التمثيلية(الي مش موجوده اصلاً)، مفيش اي حاجه نهائي.. ثابتة وصامدة علي فشلها كممثلة..
بدأ البعض (بعد فترة) يقترح عليها انها تتجه لمجال الموديلنج، وانه لا يمكن لأحد أن ينكر جمال مظهرها، وقدرتها علي استعراض هذا الجمال في الصور بطريقة مثيرة وجيدة جداً، لذلك أعتقد البعض أنها هتكون أنجح بكتير لو أصبحت موديل (عارضة).
كل الكلام السابق دا يعتبر ملوش لازمه ومش جديد، ومكنتش هبذل أي مجهود او ههتم اكتب مراحل تطور ظهور ياسمين صبري على الساحة بأي شكل من الأشكال غير بعد التعليق الحقير الي كتبته الفنانة علي حسابها الشخصي علي الانستجرام..
بأختصار الي ميعرفش القصه، الفنانه نزلت صور ليها وهي بتعمل حركة شقلباظ جامده وهي واقفه بالشقلوب، محملة جسمها كله علي راسها (برافو)، فا دخل شخص ما (منعرفش هويته حتي الآن) كتب لها '' Did that when I was 6 '' بالبلدي كده بيقولها انا عملت الحركة الي انتي فرحانة بيها دي من وانا كان عندي ٦ سنين
فماذا كان رد الفنانه.. كان كالآتي
'' yes i bit you did, that's why you have a down syndrome now 😂''
واه عملت ايموشن بيضحك في الاخر
الفنانة بترد عليه بتقوله اه انا براهن انه اكيد عملتها(الحركة) وعشان كده انت عندك متلازمة داون دلوقتي وايموشن بيضحك.
بغض النظر عن كل الأقوال الي اتقالت علي التويتر انه الشخص الي كتبها الكومنت دا أخوها أو يعرفها وبيهرجوا سوا أو اياً كان مين هذا الشخص وايً كان المقصود من الكومنت فأحنا في ٢٠١٩ والفنانة (من المفترض انه بيطلق عليها فنانه) لسه هي وأمثالها من الجهلة وحثالة المجتمع بيتعاملوا مع متلازمة داون أنها أداة للسخرية والإهانة، وكلمة نستخدمها كأنها شتيمه، زيي ما في فترة من الوقت الناس كانت بستخدم كلمة ''متوحد'' كشتيمه برضه اما نحب نتريق علي حد ونتهمه بالغباء
مع انه دراسات ومقالات كتير انتشرت وعرفت الناس أنه لا المصاب بمتلازمة داون ولا المتوحد يقلوا ذكاءً عن باقي الخلق بل بالعكس بعضهم يتمتع بمهارات ذكاء عاليه جداً
في كل الأحوال اكيد مهارات ذكاءهم هتكون احسن بكتير من الي عند ياسمين صبري، الي مش بس غير مثقفه وجاهلة بمعلومات من المفترض تكون عارفها كفنانة و كشخص ناضج، هي كمان غير مدركة للطريقة السليمة والمحايدة الي من المفترض ترد بها على تعليقات جمهورها.. يعني حتي لو هنفرض انها شخص عنصري ومش حابه تنهض بأفكارها وتتغير وبتعتبر متلازمة داون شئ مهين ويستخدم للإساءة، فا علي الأقل تحاول متظهرش دا للعامة لأنها من المفترض كشخصية مشهورة ردودها و آرائها مهمة وتثير جدل زيي اي شخصية معروفة على الساحة..
لكن لا موهبه ولا علم ولا ثقافة ولا اخلاق ولا ذوق ولا تقدير أو احترام للبشر.. كتير
