الثانوية العامة .. طريقك نحو ال "ولا حاجة"
من زمان وكلنا بنعانى من شبح الثانويه العامه وبتتردد دايما علي سمعنا انها عنق الزجاجه وحاجات شبيهه بمصطلحات مصيريه كتير جدا الحقيقه مش عارفه بدايه ظهور شبح الثانويه العامه ده كان امتى بالظط اعتقد ده لانها اخر مرحله فالتعليم الالزامى بشكل عام فده اداها هيبه نوعا ما اللى اعرفه بقي عن الثانويه العامه انها بتعادل المستوى الثالث (اسكد-3) من التصنيف الدولي لنظم التعليم واللي بيدخلها بيكون تقريبا 15 سنه بس خلونا الاول نشوف بدايه ظهور الشبح ده بالنسبه للبنات الطف الكائنات اتفتحت اول مدرسة ثانوية للبنات عام 1920 ، و هي مدرسة الحلمية الثانوية للبنات ، ومكانتش المناهج شبه مناهج مدارس الولاد وكانت الثانويه العامه بالنسبالنا سنه 1937 ست سنين اه والله زى مبئولك كده 5 سنين ثقافه عامه ونه توجيهه في 1951 قرروا اننا نبقي مناهج واحده ويلغوا السنه الزياده ونتساو بالولاد بس غيرنا تقسيم المراحل بقي عشان تبقي سنتين الدراسه المتوسطه والتانيه سنتين بردو بس دى بقي الثقافه العامه واما التالته بقي سنه التوجيهيه اللى اتقسمت بردو لعلمى وادبي
بس مش مشكلتنا بدايه الثانويه العامه وبدايتها ومسميتها كمان لان المشكله اكبر من كده المشكله بتبدا في ازاى احنا بنسيب نفسنا لمناهج تعليميه ونظام يشكل فكرنا بالصوره اللى بتحصل على مر السنين يعنى السؤال الابدى انا واحده بحب اللغات ادرس احياء او فلسفه ليه ؟ ليه الحاجات اللي بنحبها بندرس جمبها حاجات احنا اصلا مش هنحتاجها ولو فكرنا شويه بمنطق الحفظ اللى بيغلب علي طلاب الثانويه العمه هنلاقي انهم بعد انتهاء السنه الدراسيه محصله اللى عارفينه وفهمينه عن سنين اللي قضوها فالمرحله دى 10 % وابقي كارماهم كمان منكرش ان الضغوط اللى بتبقى علي عاتق الولد اكتر كتير من اللي بتبقي علي بنت في مجتمعنا ومش هحكي واقول عشان اللى بنتعرضله من محاولات تهميش فالمجتمع وكلام ده بس راسخ جوه دماغ شريحه كبيره ان تفوق البنت في مرحله دى او اى مرحله تعليميه مش حاجه ونستثنى من دول نظريات ابن خالتك وبنت خالتك والمنافسه الازليه والاسوء ان ضحايا الثانويه العامه اللى بيدخلوا نفسهم في حاله ان دى مرحله حياه او موت بتنهار حياتهم وسط مقياس اخترعه الاهل وهو 99 % او اى حاجه وتسعين وانحصر النجاح في كليات الطب والهندسه و الاقتصاد والعلوم السياسيه وارتفع عدد ضحايا الثانويه العامه والازهرى عنق الزجاجه لعام 2017 الى 210 حالة استقبلتهم المستشفيات على جميع محافظات الجمهورية، من يوم الخميس إلى الأحد فقط، وقال رئيس الإدارة المركزية للرعاية الحرجة الدكتور خالد الخطيب ، أن غرفة الطوارئ المركزية
بوزارة الصحة منعقده بشكل مستمر طيلة فترة الامتحانات، وأضاف الخطيب أن حالات المصابين كانت كالتالي:
حالات إغماء .
هبوط عام .
صدمة عصبية.
ارتفاع بضغط الدم .
مغص كلوي .
تشنجات وهبوط في نسبة السكر بالدم.
ونيجي بي لخبر اللي كل الناس بتحكي عنه البنت مريم اللى رغم ظروفها نجحت بتفوق طبعا وكلنا شاركنا صورها وتصريحات والدها عن فخره بيها بس سؤال واحد و بعد م يكرموها هل الدوله المحترمه هتسمح للبنت لو دخلت كليه الحقوق و اتخرجت بتفوق انها تتعين فى النيابه ؟؟ هل هيسمح لها لو دخلت اقتصاد و علوم سياسيه انها تشتغل فى الخارجيه ؟؟؟ مين حط مقياس النجاح اصلا ا؟؟
مش دى كمان الازمه بس خلونى اتكلم من نفسيه البنات شويه الفتره اللى دى بتبقى فتره اللى بنبدا فيها رحله المراهقه بكل تغيراتها النفسيه والجسديه اللى بتاثر على سلوكياتنا فالسن ده مع فيض من المشاعر وطبعا مش لازم ننسى ان الاهل بيقوا في وادى تانى همهم محصله الدرجات اللى هيجمعها اللى هتحقق حلمهم بتقع البنت بين مطحنه كونها بنت بتكتشف انوثتها وبتحاول تتواصل مع الاضطرابات النفسيه والتغيرات اللى بتطرا عليها وافكارها عن كونها بنت ومرغوبه كم الريسك اللى بتقع فيه البنت مرعب وبتفضل اسئله شبه هو انا اعيش حياتى امتى وازاى طب انهى اهم الدراسه ولا الحب الحياه الاجتماعيه ولا المهنيه االلي بنرسمها انا كبرت ومسئوله عن اختياراتي ولا لسه طب امتى ابقي مسئوله طب اهتمامى بنفسي بيتقابل بمشاكل ليه هو انا مش زى البنات فيض من الاسئله بيعمل تشتتت عظيم بس من وجهه نظرى ان الاهل المفروض فالفتره دي يخضعوا لعلا نفسي يكون من شانه ايضاح طرق التعامل مع مراهق الثانويه العامه وده اللى بنشوفه اول ما تبدا صور العياط اللي بتظهر علي ميديا بعد اى امتحان اللى بتتغلف ببعض من الندم علي كل دقيقه كان ممكن تفرق معاهم فالمجموع مش عارفه اقول اي بس فعلا الثانويه مش مقياس خصوصا في بلد محدش بيشتغل فيها بشهادته
في النهايه فانكوش الثانويه العامه هو مش اكتر من فانكوش حرفيا نجاحك بيبدا بيك انت انت اللى هتحدد هتنجح في اي وازاى ومش لازم نذكر باسم يوسف كاعلامى ناجح وهو خريج طب ولا لازم نحكي عن مشاهير كتير نجحوا وعلي راسهم مارك زوكربيرغ مالك ومؤسس موقع فيسبوكا اللى ساب جامعه هارفارد قبل شر سنين دون ومكملش دراسته الجامعية فيها .
والمخرج «James Cameron»، اللى مكملش السنة الأولى من الثانوية العامة، لشعوره بأنه أفضل في شيء تانى ، ومن أفلامه الناجحة «Titanic» و«Avatar».
في النهايه انا مبقولش متذاكروش وتسيبوا الدراسه لكن اوعوا تبقي حياتكم عباره عن رقم في شهاده تقول انتوا ناجحين او فاشلين النجاح بيحصل لما بننجح نلاقي نفسنا فالحياه اللى بنختارها وبنرسمها بيبدا من محاربتك وحصولك علي مكانك اللى مرسوم ليك وبس وانت هتعرف توصله لما فكرك يتجرد من كل اشباح و فزاعات الفشل وفانكو الثانويه العامه
