İslam Əməkdaşlıq Təşkilatına (İƏT) üzv ölkələrin xarici işlər nazirlərinin Ciddədə keçirilən fövqəladə iclası çərçivəsində İran və Türkiyə xarici işlər nazirləri Abbas Əraqçi ilə Hakan Fidan arasında görüş keçirilib.
Gununsesi.info xəbər verir ki, görüşdə Qəzza zolağındakı son durumla bağlı geniş müzakirə aparılıb.
Tehran və Ankara arasında ikitərəfli əməkdaşlıqda son tendensiya da nəzərdən keçirilib və nazirlər iki ölkə arasında strateji və davamlı əlaqələr və ticarət, enerji, nəqliyyat, sərhəd təhlükəsizliyi və regional məsələlər kimi əsas sahələrdə əməkdaşlığın genişləndirilməsini vurğulayıblar.
Fidan və Əraqçi qarşılıqlı hörmət, mehriban qonşuluq və ortaq maraqlar çərçivəsində məsləhətləşmələrin, ikitərəfli koordinasiyanın davam etdirilməsi, regional və beynəlxalq əməkdaşlığın gücləndirilməsini qeyd ediblər.
