Mingəçevir şəhər İcra Hakimiyyətinin başçısı İlham İsmayılovun vətəndaşlarla növbəti səyyar görüşü avqust ayının 14-də energetiklər yaşayış massivində Y.Mansurov küçəsindəki 15 saylı binanın qarşısında keçirilib.
Gununsesi.info xəbər verir ki görüşdə İcra Hakimiyyətinin başçısı aparatının məsul əməkdaşları, şəhər prokuroru, polis şöbəsinin rəisi, müxtəlif ərazilərdən gələn sakinlər, Mingəçevir Bələdiyyəsinin, idarələrin, kommunal xidmət müəssisələrinin rəhbərləri və təmsilçiləri, mətbuat işçiləri iştirak ediblər.
Görüşü açan İcra Hakimiyyətinin başçısı İlham İsmayılov ölkə Prezidenti İlham Əliyevin tapşırığı ilə vətəndaşlarla keçirilən səyyar görüşlərin əhəmiyyətindən söz açıb. İcra Hakimiyyətinin tədbirlər planına əsasən cari ilin əvvəlindən bu yaşayış massivində də yeni layihələr əsasında əsaslı təmir və quruculuq işlərinin həyata keçirildiyini bildirib.
Çıxış edən sakinlər şəhərimizin hər bir yerində olduğu kimi bu yaşayış massisində də aparılan abadlıq-quruculuq işlərinə görə ölkə Prezidentinə minnətdarlıqlarını bildirərək bu işlərdə zəhməti olan hər kəsə yeni fəaliyyət uğurları arzulayıblar.
Problemlərini bildirən sakinlər hündür ağacların budanması, binanın dam örtüyündəkii nasazlıq, kanalizasiya çəkilişinin yarımçıq qalması, uşaq idman qurğularının təmir olunması, ictimai nəqliyyatın müasirləşdirilməsi, sürücülərin sürət həddini aşması və digər məsələlərlə bağlı müraciətlər ediblər.
İcra Hakimiyyətinin başçısı İlham İsmayılov müvafiq qurumların rəhbərlərinə vətəndaşların iştirakı ilə qısa vaxt ərzində problemlərlə tanışlıq etməyi və həlli barədə məlumat verməyi tapşırıb.
Görüşdən sonra Azərbaycanın Milli Qəhrəmanı Natiq Qasımov adına mini parka baxış keçirilib, həyata keçirilən quruculuq işləri ilə tanışlıq olub. Məlumat verilib ki, parkda müasir fəvvarə quraşdırılacaq, keçid yolları çəkiləcək, oturacaqlar qoyulacaq, işıqlandırma nöqtələri yaradılacaq, yaşıllıq zolaqlarına dekorativ gül kolları və ağac tingləri əkiləcəkdir. İcra başçısı qəhrəmanımızın adına olan park elə adına layiq olmalıdır, deyərək, müvafiq qurumların rəhbərlərinə tapşırıq və tövsiyələrini verib.
