ပုဂံ ဒေသမှာရှိတဲ့ စေတီလေးဆူ က ကြေးခေါင်းလောင်းတွေ ပြီးခဲ့တဲ့ ရက်ပိုင်းက ခိုးယူခံလိုက်ရတယ်လို့ဒေသခံတွေနဲ့ ဧည့်လမ်းညွှန်တွေထံက စုံစမ်းသိရပါတယ်။
ကြေးခေါင်းလောင်းတွေခိုးခံရတဲ့ စေတီတွေဟာ မင်းအိုချမ်းသာ၊ ရှင်ပင်ပွင့်လင်း ၊ ရွှေချမ်းသာ (ခ) ဆုတောင်းပြည့် ၊သာယာဝတေး စေတီတွေပဲဖြစ်ပါတယ်။
ဇန်နဝါရီလ ၂၄ ရက်ညပိုင်းကစတင်ပြီး ကြေးခေါင်းလောင်း သုံးလုံးထက်မနည်း ခိုးခံရတာ ဖြစ်ပြီး အဲဒီခေါင်းလောင်းတွေဟာ ရှေးဟောင်းပစ္စည်း ဟုတ် ၊မဟုတ် သီးခြားအတည်ပြုလို့မရသေးပါဘူး။
“အရင်က ဘုရားတွေမှာအစောင့်တွေရှိတယ် ၊အခုက ပုဂံမှာလည်းဖြစ်ချင်သလိုဖြစ်နေတော့ သူခိုးတွေထကြွတာပေါ့လေ” လို့ ပုဂံဒေသခံတစ်ဦး ပြောပါတယ်။
စစ်တပ်အာဏာသိမ်းပြီးနောက် ပုဂံဒေသမှာ ပြီးခဲ့တဲ့နှစ်အတွင်း ဘုရားအမှတ် ၄၁၈ နဲ့ ၇၁၆ က ရှေးဟောင်းလက်ရာတွေ ခိုးယူခံရပေမယ့် ပြန်လည်ဖမ်းမိတယ်လို့စစ်အုပ်စုက ဆိုထားပါတယ်။
