ရှမ်းပြည်နယ်မြောက်ပိုင်း သီပေါမြို့တွင် ယမန့်နေ့(ဖေဖော်ဝါရီ ၁၃ရက်)ညက ဘုန်းကြီကျောင်းတစ်ကျောင်းမီးလောင်ခဲ့မှုတွင် ကိုရင်လေးတစ်ပါး မီးထဲပါသွားပြီး ပျံလွန်တော်မူခဲ့ကြောင်း ဒေသခံများက ပြောသည်။
သီပေါမြို့ စံဖိတ်ကျေးရွာ မဏိရတနာ စံဖိတ်ကျောင်းတိုက်မှာ ည ၁၀နာရီခန့်တွင် မီးလောင်ကျွမ်းခဲ့ခြင်းဖြစ်သည်။
“ကျောင်းမှာ ဘုရားမီးပူဇော်ထားရာကနေ မီးစလောင်တာလိုလို၊ တောမီးကနေ ကူးတာလိုလို ကြားနေရတယ်။ ဘုန်းကြီးကျောင်းတစ်ကျောင်းလုံးလောင်တာ။ အဲ့ဒီအချိန်အိပ်ပျော်နေတဲ့ ကိုရင်လေးတစ်ပါး မီးထဲပါသွားတာပါ”ဟု သီပေါမြို့ခံတစ်ဦးက ပြောသည်။
ပျံလွန်တော်မူသွားသည့်ကိုရင်လေးမှာ အသက်(၁၀)နှစ်အရွယ်ရှိပြီဖြစ်သည်။ ကျောင်းအုပ်ချုပ်သူများ၏ ပေါ့လျော့မှုကြောင့် ကိုရင်လေးတစ်ပါး အသက်ဆုံးရှုံးရခြင်းဖြစ်ကြောင်း မြို့ခံများက ပြောသည်။
