နိုင်ငံခြားငွေဖြင့်လုပ်ကိုင်​နေသည့်လုပ်ငန်းများ ကျပ်ငွေအစား နိုင်ငံခြားငွေဖြင့်သာအခွန်ဆောင်ရ​တော့မည်ဟုစစ်ကောင်စီဆို

နိုင်ငံခြားငွေဖြင့်လုပ်ကိုင်​သောလုပ်ငန်းများအား အခွန်​ပေးဆောင်ရာတွင်လည်း ကျပ်ငွေအစား နိုင်ငံခြားငွေဖြင့်သာ အခွန်တိုက်ရိုက်ဆောင်ရန် စစ်ကောင်စီဗဟိုဘဏ်က ညွန့်ကြားလိုက်ပြန်သည်။

ယခင်ကနိုင်ငံခြားငွေဖြင့်ဆောင်ရွက်သည့် လုပ်ငန်းများကို အခွန်ဆောင်ရာတွင် နိုင်ငံခြားငွေမှ ကျပ်ငွေပြောင်းလဲပြီး အခွန်​ပေးဆောင်၍ရသော်လည်း ယခုအခါ နိုင်ငံခြားငွေဖြင့်သာ စစ်​ကောင်စီတို့ထိန်းချုပ်ထားသည့် နိုင်ငံပိုင်ဘဏ်များကိုတိုက်ရိုက် ဘဏ်စာရင်းဖွင့်လှစ်၍ အခွန်ဆောင်ရမည်ဟု စစ်ကောင်စီက ကန့်သတ်လိုက်ခြင်းဖြစ်သည်။

စစ်​ကောင်စီသည်နိုင်ငံခြားငွေလိုအပ်ချက်မြင့်မား​နေသဖြင့် နိုင်ငံခြားငွေရပေါက်ရလမ်းအတွက် မျိုးစုံလုပ်ကိုင်​နေခြင်းဖြစ်သည်ဟု စီးပွားရေးလုပ်ငန်းရှင်တစ်ဦးက မှတ်ချက်ပေးသည်။

အခွန်ဆောင်မည့် နိုင်ငံခြားငွေကို ပုဂ္ဂလိကဘဏ်နှင့်နိုင်ငံခြားဘဏ်ခွဲများတွင် ကျပ်ငွေလဲလှယ်ခြင်းမပြုစေဘဲ စစ်ကောင်စီထိန်းချုပ်ထားသည့် မြန်မာ့စီးပွားရေးဘဏ်ကိုသာ တိုက်လွှဲပြောင်းရမည်ဟုလည်းဆိုသည်။

ထိုအပြင် စစ်ကောင်စီလက်အောက်ခံဝန်ကြီးဌာနမှ ရရှိသည့် နိုင်ငံခြားငွေများကိုလည်းစာရင်းတိုက်ရိုက်လွှဲပြောင်းပေးရမည်ဟု စစ်ကောင်စီကဆိုထားသည်။

နိုင်ငံတစ်ခု ပြည်သူ့ကာကွယ်​ရေးတပ်မ​တော်၊ တိုင်းရင်းသားလက်နက်ကိုင်အဖွဲ့များနှင့် ​ဒေသခံ PDF ၊ပကဖ စ​​သော​တော်လှန်​ရေးအင်အားစုများ၏ခုခံတွန်းလှန်မှု​ကြောင့် စစ်​ကောင်စီသည် စစ်​ရေးအကြပ်​တွေ့​နေပြီး စစ်တိုက်ရန် လိုအပ်​သော လက်နက်ခဲယမ်းများ၊ ​လေယာဥ်အသုံးပြုတိုက်ခိုက်ရန်​လေယာဥ်ဆီများကို ပြည်ပမှ ဝယ်ယူနိုင်ရန်အတွက် နိုင်ငံခြား​ငွေအမြဲလိုအပ်​နေ​ကြောင်း စီးပွား​ရေးလုပ်ငန်းရှင်အချို့က​ပြောသည်။ထို့အပြင် ပြည်ပမှ ရင်းနှီးမြှပ်နှံမှုများထွက်ခွာသွားခြင်း ၊ကုန်သွယ်​ရေး​လျော့ကျခြင်း၊စစ်အာဏာသိမ်းမှု​ကြောင့် အထူးသဖြင့် ဒီမိုက​ရေစီလိုလား​သောနိုင်ငံများမှအကူအညီများမရ​တော့သဖြင့် စစ်အုပ်စုသည် ​ဒေါ်လာကိုရသမျှနည်းလမ်းအကုန်စုံး၍ရှာ​ဖွေ​နေသည်။