စစ်ကိုင်းတိုင်း၊ ခင်ဦးမြို့နယ်တွင် ကိုယ်ဝန်ဆောင်အမျိုးသမီးတစ်ဦး စစ်ရှောင်ရင်း အမွှာရင်သွေမွေးဖွားခဲ့သည်။
ခင်ဦးမြို့နယ်အတွင်း တကျော့ပြန်စစ်ကြောင်းထိုးလာသည့် စစ်ကောင်စီတပ် စစ်ကြောင်းကြောင့် ထွက်ပြေးလာရသည့်ပြည်သူများအနက် ကိုယ်ဝန်ဆောင်အမျိုးသမီးတစ်ဦးမှာ ယခုရက်ပိုင်းအတွင်း သမီးတစ်ဦး၊သားတစ်ဦး အမွှာရင်သွေးမွေးဖွားခဲ့ခြင်းဖြစ်သည်။
“ ကလေးအမွှာပူးလေးဟာ စစ်ရှောင်ရင်း မွေးခဲ့တာဖြစ်ပြီး နေအိမ်ကလည်း မီးလောင်မိဘဖြစ်သူတို့ကလည်း ဆင်းရဲကြပြီး ကလေး၂ယောက်ကို နို့ဘူးတစ်ဘူးထဲနဲ့ တစ်ရက်မှာ ၂ကြိမ်သာတိုက် ပေးနိုင်တယ်တဲ့။ကလေးအမွှာပူးနဲ့ အတော်လေးကို ဒုက္ခရောက်နေတယ်။” ဟု ခင်ဦးမြို့နယ် သတင်းမှန်ပြန်ကြားရေးအဖွဲ့ တာဝန်ရှိသူက ပြောသည်။
![(အမွှာရင်သွေးမွေးဖွားခဲ့သည့် စစ်ရှောင်အမျိုးသမီးတစ်ဦးနှင့် ခင်ဦးဒေသခံစစ်ရှောင်ပြည်သူများအား တွေ့ရစဉ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေးအဖွဲ့)](https://i0.wp.com/www.ludunwayoo.com/wp-content/uploads/2023/03/334982590_1132312910797805_6342376603912376244_n.jpg?resize=720%2C955&ssl=1)
အဆိုပါ အမွှာမောင်နှမကို တော်လှန်ရေးကာလ သေနတ်သံများကြား မွေးဖွားခဲ့၍ အုန်းအုန်းနှင့် ဒိုင်းဒိုင်းဟု ခေါ်တွင်နေကြသည်။
စစ်ကြောင်းရန်ကြောင့် ထွက်ပြေးလာသည့် ပြည်သူများထဲတွင် ကိုယ်ဝန်ဆောင်သည် အမျိုးသမီးများ၊ သွေးနုသားနု မိခင်များ သက်ကြီးရွယ်အိုနှင့် ကလေးသူငယ်များ စုစုပေါင်း ၁၀၀ကျော် ပါဝင်ကြောင်း၊ စစ်ရှောင်ရင်း ဝမ်းပျက်ဝမ်းလျှောရောဂါများ၊ အအေးမိ၊ ညောင်းညာဖျားနာမှုများ ဖြစ်ပွားနေကြောင်း ဒေသတွင်းအဖွဲ့များက ပြောသည်။
![(အမွှာရင်သွေးမွေးဖွားခဲ့သည့် စစ်ရှောင်အမျိုးသမီးတစ်ဦးနှင့် ခင်ဦးဒေသခံစစ်ရှောင်ပြည်သူများအား တွေ့ရစဉ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေးအဖွဲ့)](https://i0.wp.com/www.ludunwayoo.com/wp-content/uploads/2023/03/334601686_5304425619659785_4147780455557777865_n.jpg?resize=720%2C956&ssl=1)
![(အမွှာရင်သွေးမွေးဖွားခဲ့သည့် စစ်ရှောင်အမျိုးသမီးတစ်ဦးနှင့် ခင်ဦးဒေသခံစစ်ရှောင်ပြည်သူများအား တွေ့ရစဉ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေးအဖွဲ့)](https://i0.wp.com/www.ludunwayoo.com/wp-content/uploads/2023/03/334670225_746366233881417_2284092191240753508_n.jpg?resize=720%2C956&ssl=1)
အဆိုပါ အမွှာပူးကလေးမိခင်အပါအဝင် သက်ကြီးရွယ်အိုများ၊ ကိုယ်ဝန်ဆောင်မိခင်များ၊ စစ်ရှောင်ရင်း ကျန်းမာရေးကုသမှုခံနေရသည့် ပြည်သူများ အကူအညီများလိုအပ်နေကြောင်း ခင်ဦးမြို့နယ် သတင်းမှန်ပြန်ကြားရေးအဖွဲ့က ပြောသည်။
စစ်ကောင်စီ စစ်ကြောင်းထိုးဝင်ရောက်လာမှုကြောင့် ခင်ဦးနယ်ရှိ ဒေသခံ၈၀၀၀ကျော် ထွက်ပြေးတိမ်းရှောင်ခဲ့ရပြီး လက်နက်ကြီးများဖြင့် ရမ်းသမ်းပစ်ခတ်မှုကြောင့် ကလေးနှစ်ဦးသေဆုံးကာ သက်ကြီးရွယ်အိုတစ်ဦး အအေးမိသေဆုံးခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)