မင်းတပ်မြို့ အခြေစိုက်ခလရ ( ၂၇၄ )မှဒုတိယတပ်ရင်းမှူး ဗိုလ်မှူး စိုးထက်ပိုင်တိုးသည်မင်းတပ်တွင်ယမန်နေ့(မေလ၃၁ရက်)ကဖြစ်ပွားသောတိုက်ပွဲအတွင်းစနိုက်ပါ ထိမှန် သေဆုံးသွားကြောင်း သတင်းရရှိသည်။
မင်းတပ်မြို့ ထင်ချောင်းရွာတွင် မေလ ၃၁ရက်က တိုက်ပွဲဖြစ်ခဲ့ပြီး ဒုတပ်ရင်းမှူး ဗိုလ်မှူး စိုးထက်ပိုင်တိုး သေဆုံးခဲ့သည်ဟု သတင်းရရှိထားကြောင်းမင်းတပ် CDF မှာတာဝန်ရှိသူတစ်ဦးကပြောသည်။
“ကျွန်တော်တို့ ရဲဘော်တွေကို တပ်တွင်းထဲကနေ သတင်းပေးတာတွေရှိတယ်။ ။ ကျွန်တော်တို့က အသေးစိတ် မမေးတော့ဘူး။တိကျရင် ပြီးတာပဲ။ သူတို့ရဲ့ အတွင်း သူလျိုကို ဘယ်သူ့ကိုမှ ပေးမသိဘူးလေ” ဟု ၎င်းကရှင်းပြသည်။
![(သေဆုံးသွားသော ခလရ ၂၇၄ ဒုတပ်ရင်းမှူး ဗိုလ်မှူးစိုးထက်ပိုင်တိုး ။ဓါတ်ပုံ-Facebook Viral)](https://i0.wp.com/www.ludunwayoo.com/wp-content/uploads/2023/06/350964804_821598692734025_4952391970633997486_n.jpg?resize=583%2C921&ssl=1)
စစ်ကောင်စီအင်အား ၁၅၀ ခန့်သည် ထင်ချောင်းရွာအတွင်း ရှိနေသေးပြီး မင်းတပ် CDF နှင့် မဟာမိတ်ရဲဘော်များက တိုက်ခိုက်နေခြင်းဖြစ်သည်။
“သူတို့အကျအရှုံးလည်းတော်တော်များနေတော့ ရွာထဲမှာ ကျန်နေသေးတာ လူနာတွေနဲ့။ သူတို့ကို နောက်ကျောကနေ စနိုက်ဘာအုပ်စုက ဝင်ပစ်တာ” ဟု မင်းတပ် CDF ရဲဘော်တစ်ဦးက ပြောသည်။
တပ်ရင်းမှူး ဗိုလ်မှူး စိုးထက်ပိုင်တိုး၏ နာရေးကို (၂၇၄) တပ်ရင်းအတွင်း၌ ပြုလုပ်နေကြောင်း သိရှိရပြီး အသေးစိတ် မသိရသေးပေ။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)