▪︎ချင်းပြည်သို့ ဒေသခံများအမှအပပြင်ပခရီးသွားများဝင်ရောက်ခြင်းကိုတားမြစ်ကြောင်းအသိပေး
အများပြည်သူ ခရီးသွားယာဉ်များမှစစ်ကောင်စီတပ်၏အဖွဲ့ဝင် သို့မဟုတ် လက်နက်ခဲယမ်းနှင့် စစ်ဘက်ဆိုင်ရာပစ္စည်းများ သယ်ယူပို့ဆောင်ခြင်းကို တားမြစ်ကြောင်း ချင်းအမျိုးသားတပ်ဦး(CNF)က ယနေ့ထုတ်ပြန်ကြေညာသည်။
ထို့အပြင် ချင်းပြည်သို့ ဒေသခံ ချင်းပြည်သူများမှအပ ပြင်ပမှ ခရီးသည်များ ဝင်ရောက်ခြင်းကို တားမြစ်ကြောင်း ဖော်ပြထားသည်။
စစ်တပ်သည် ချင်းပြည်အတွင်းသို့ အများပြည်သူ ခရီးသွား ယာဉ်များ အသုံးပြုကာ အရပ်ဝတ်ဖြင့် ဝင်ရောက်ပြီး စစ်ရေးဆိုင်ရာအင်အားဖြည့်တင်းလျက်ရှိနေ၍ ယခုကဲ့သို့ ထုတ်ပြန်လိုက်ခြင်းဖြစ်သည်ဟုသိရသည်။
![(ဟားခါး၊ထန်တလန်နှင့် အနီးဝန်းကျင်ရှိမြို့နယ်များပြGoogle Map မြေပုံနှင့် ချင်းပူးပေါင်းတပ်ဖွဲ့ဝင်များရှေ့တန်းမထွက်ခင်ဆုတောင်းနေပုံ/စစ်တပ်ကလေကြောင်းမှတိုက်ခိုက်နေပုံ/စစ်တပ်ထံမှ လက်နက်ခဲယမ်းများချင်းပူးပေါင်းတပ်ကသိမ်းဆည်းရရှိမှု။ဓါတ်ပုံ-The Chin Journal)](https://i0.wp.com/www.ludunwayoo.com/wp-content/uploads/2023/06/351501641_219107930972658_2698342167052073752_n.jpg?resize=765%2C1024&ssl=1)
![(ဟားခါး၊ထန်တလန်နှင့် အနီးဝန်းကျင်ရှိမြို့နယ်များပြGoogle Map မြေပုံနှင့် ချင်းပူးပေါင်းတပ်ဖွဲ့ဝင်များရှေ့တန်းမထွက်ခင်ဆုတောင်းနေပုံ/စစ်တပ်ကလေကြောင်းမှတိုက်ခိုက်နေပုံ/စစ်တပ်ထံမှ လက်နက်ခဲယမ်းများချင်းပူးပေါင်းတပ်ကသိမ်းဆည်းရရှိမှု။ဓါတ်ပုံ-The Chin Journal)](https://i0.wp.com/www.ludunwayoo.com/wp-content/uploads/2023/06/351464486_1356037831642077_4772569140816386514_n.jpg?resize=417%2C593&ssl=1)
အကယ်၍ ချင်းပြည်သို့ လာရောက်ရန် အရေးကြီး ကိစ္စရှိပါက သက်ဆိုင်ရာ ချင်းဒေသကာကွယ်ရေးတပ်(CDF)နှင့် ပြည်သူ့ကာကွယ်ရေးတပ်(PDF) များ၏ ထောက်ခံစာဖြင့်သာ ဝင်ခွင့်ပြုမည်ဟု ထုတ်ပြန်သည်။
အသိပေးထုတ်ပြန်ချက်ပါ အချက်များကို ချိုးဖောက်ပါက ပြင်းထန်စွာ အရေးယူမည်ဟု ဖော်ပြခဲ့ပြီး အမိန့်တစ်စုံတရာ မထုတ်ပြန်မချင်း ဤထုတ်ပြန်ချက်သည် အတည်ဖြစ်သည်ဟု ယနေ့ဇွန်လ ၈ရက် နေ့စွဲဖြင့် ကြေညာခဲ့သည်။
![(ဟားခါး၊ထန်တလန်နှင့် အနီးဝန်းကျင်ရှိမြို့နယ်များပြGoogle Map မြေပုံနှင့် ချင်းပူးပေါင်းတပ်ဖွဲ့ဝင်များရှေ့တန်းမထွက်ခင်ဆုတောင်းနေပုံ/စစ်တပ်ကလေကြောင်းမှတိုက်ခိုက်နေပုံ/စစ်တပ်ထံမှ လက်နက်ခဲယမ်းများချင်းပူးပေါင်းတပ်ကသိမ်းဆည်းရရှိမှု။ဓါတ်ပုံ-The Chin Journal)](https://i0.wp.com/www.ludunwayoo.com/wp-content/uploads/2023/06/351741881_796667092013459_8576348812176352087_n.jpg?resize=880%2C523&ssl=1)
ယခုထုတ်ပြန်ချက်နှင့် ချင်းပြည်အတွင်း လတ်တလော စစ်ရေးအခြေအနေများကို မေးမြန်းရန် CNF လက်အောက်ခံ ချင်းအမျိုးသားတပ်မတော်(CNA) ပြောရေးဆိုခွင့်ရှိသူ ဆလိုင်းထက်နီနှင့် CDF တာဝန်ရှိသူ အချို့ထံ ဆက်သွယ်ခဲ့သော်လည်း အဆက်အသွယ်မရပေ။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ပြီးခဲ့သည့် ရက်ပိုင်းက ချင်းတပ်ဖွဲ့များ၏ အသိပေးချက်အရ စစ်ကောင်စီတပ်သည် ဟားခါးနှင့် ထန်တလန်ကြားသို့ လက်နက်ကြီး၊ လေကြောင်း ပစ်ကူရယူပြီး ထိုးစစ်ဆင်လာ၍ မေလ ကုန်မှ ယနေ့အထိ တိုက်ပွဲများ ပြင်းထန်နေပြီး နှစ်ဖက်ထိခိုက်ကျဆုံးရှိခဲ့သည်။စစ်ကောင်စီတပ်ကဟားခါးနှင့်ထန်တလန်ကြားရှိ သီးမြစ်ဒေသသို့ စစ်ကြောင်း နှစ်ကြောင်းဖြင့် ထိုးစစ်ဆင်လာ၍ ချင်းပူးပေါင်းတပ်ဖွဲ့များက ခုခံတိုက်ခိုက်နေခြင်းဖြစ်သည်။
![(ဟားခါး၊ထန်တလန်နှင့် အနီးဝန်းကျင်ရှိမြို့နယ်များပြGoogle Map မြေပုံနှင့် ချင်းပူးပေါင်းတပ်ဖွဲ့ဝင်များရှေ့တန်းမထွက်ခင်ဆုတောင်းနေပုံ/စစ်တပ်ကလေကြောင်းမှတိုက်ခိုက်နေပုံ/စစ်တပ်ထံမှ လက်နက်ခဲယမ်းများချင်းပူးပေါင်းတပ်ကသိမ်းဆည်းရရှိမှု။ဓါတ်ပုံ-The Chin Journal)](https://i0.wp.com/www.ludunwayoo.com/wp-content/uploads/2023/06/351115707_2276707919168902_8415335693987652674_n.jpg?resize=880%2C396&ssl=1)
“စစ်ကြောင်းက နှစ်ကြောင်းနဲ့ သူတို့က ထထိုးလာတာ။ သီမြစ်ချောင်း အပေါ်ဘက်က စစ်ကြောင်းတစ်ကြောင်းက ဒီနေ့ တိုက်ပွဲမရှိဘူး။ သီးမြစ်ချောင်းရဲ့ အောက်ဘက် အဲဒီမှာပဲ တိုက်ပွဲရှိနေတယ်။ အဓိကတော့ ဟားခါးထန်တလန်ကြားဆိုပေမယ့် ဟားခါးမြို့နယ်ထဲမှာပါပဲ” ဟု ဆလိုင်းထက်နီကPeople’s Spring သို့ဇွန် ၄ ရက်တွင်ပြောသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)