ကရင်ပြည်နယ်၊ ကြာအင်းဆိပ်ကြီးမြို့နယ်ထဲက စစ်ကောင်စီ ခြေလျင်တပ်ရင်း အပါအဝင် တပ်စွဲထားရာနေရာတွေနဲ့ ရဲစခန်းကို ဒီနေ့အထိ တစ်ပတ်ကြာ တိုက်ခိုက်မှုတွေပြုလုပ်ခဲ့တယ်လို့ NUG ကာကွယ်ရေးဝန်ကြီးဌာန လက်အောက်ခံ အထူးစစ်ဆင်ရေးတပ်ဖွဲ့(S.O.F) က ထုတ်ပြန်ပါတယ်။
ဇွန်လ ၂၉ ရက်ကနေ ဇူလိုင်လ ၅ ရက်ထိ ဒရုန်းနဲ့ ဗုံးချတိုက်ခိုက်တာ ၊ လက်နက်ကြီးနဲ့ လှမ်ပစ်တာတွေ ပြုလုပ်ခဲ့တာလို့သိရပါတယ်။
တိုက်ခိုက်ခဲ့တဲ့ စစ်ရေးပစ်မှတ်နေရာတွေကတော့ ခလရ ၂၈၃ တပ်ရင်း ၊ ခုတ်ခွားစခန်း ၊ခလယ်တံခွန်တိုင်ရဲစခန်း၊ အဘစ်စစ်ကောင်စီဂိတ် တို့ ပါဝင်ပါတယ်။
အဲဒီနေရာတွေကို KNU ၊ S.O.F တပ်ဖွဲ့ ၊ ဒရုန်းတပ်ဖွဲ့ နဲ့ မဟာမိတ်တပ်တွေ ပူးပေါင်းတိုက်ခိုက်တာလို့သိရပါတယ်။
ဒီလိုတိုက်ခိုက်မှုတွေပြုလုပ်တဲ့ နယ်မြေဟာ KNU တပ်မဟာ ၆ နယ်မြေဖြစ်ပြီး စစ်ကောင်စီတပ်ဘက်ကလည်း ခံစစ်ပြင်ဆင်ထားတာတွေ့ရတယ်လို့ S.O.F တာဝန်ခံတပ်မှူးက ပြောပါတယ်။
