ထီးချိုင့်မြို့နယ်အတွင်း ယခုရက်ပိုင်းတိုက်ပွဲတွင် စစ်ကောင်စီတပ်မှ စစ်ကြောင်းမှူး သေဆုံးသွားပြီး တပ်ခွဲမှူးတစ်ဦးကို KIA၊PDF ပူးပေါင်းတပ်ဖွဲ့ကအရှင်ဖမ်းမိထားသည်ဟု သတင်းရရှိသည်။
ထီးချိုင့်မြို့နယ်ကွင်းကြီးရွာအနီး ရောက်ရှိလာသည့် အင်အား ၆၀ ခန့်ရှိသောစစ်တပ်ကြောင်းကို ဩဂုတ်လ ၂၀ရက် နှင့် ဩဂုတ်လ ၂၁ ရက်တွင်KIA၊PDF ပူးပေါင်းတပ်ဖွဲ့က ပိတ်ဆို့တိုက်ခိုက်ခဲ့ပြီး စစ်ကောင်စီအထိနာခဲ့ခြင်းဖြစ်ကြောင်းစစ်ရးသတင်းရင်းမြစ်များကပြောသည်။
“စစ်ကြောင်းမှူသေတော့ ဖွဲ့စည်းပုံပျက်သွားပြီး ကမူးရှူးထိုးတွေ ဖြစ်ကုန်တာ။ တပ်ခွဲမှူးကိုလည်း ဖမ်းမိထားတယ်။ အရာရှိတွေသေတော့ အရပ်သားတွေကို ပေါ်တာဆွဲပြီး အလောင်းတွေပြန်သယ်သွားတယ်”ဟု ပြည်သူ့ကာကွယ်ရေးထောက်ပို့ရဲဘော်တစ်ဦးကပြောသည်။
ဩဂုတ်လ၂၁ရက်ကတိုက်ပွဲတွင် စစ်ကြောင်းမှူးအပါအဝင် စစ်ကောင်စီတပ်ဖွဲ့ဝင် ကိုးဦးသေဆုံးပြီး ၁၅ဦး ဒဏ်ရာအပြင်းအထန်ရရှိသွားခဲ့သည်ဟု သိရသည်။ထိုစစ်ကြောင်းသည် ကွင်းကြီးရွာနှင့် တဆက်တည်းဖြစ်သော ကျောက်မှော်ရွာသို့ ရောက်ရှိလာပြီး ဒေသခံ လေးဦးကို ဖမ်းဆီးခေါ်ဆောင်သွားခဲ့သည်။
ကျောက်မှော်ရွာမှ ကိုဦး၊ ကိုဟန်တင့်၊ကိုဆန်းမင်းနှင့်ကိုကြက်ဆူတို့ကို ဖမ်းဆီးသွားခြင်းဖြစ်ပြီး ယနေ့(ဩဂုတ်လ ၂၃ရက်)အထိ ပြန်လွတ်လာခြင်းမရှိသေးပေ။
ထိုစစ်ကြောင်းသည် ဩဂုတ်လ ၁၀ရက်ခန့်မှစတင်ကာ ထီးချိုင့်မြို့နယ်အတွင်း အင်အား ၆၀ ခန့်ဖြင့် စစ်ကြောင်းထိုးခြင်းဖြစ်သည်။ ယခုအခါ စစ်ကြောင်းတွင် ၃၀ဦးခန့်သာ ကျန်တော့ပြီး ၁၅ ဦးသည် ဒဏ်ရာပြင်းထန်စွာရရှိထားသည်ဟုဒေသခံအချို့ကပြော သည်။
ယနေ့ (သြဂုတ် ၂၃ )တွင် ထီးချိူင့်ဆပ်ကမ်း၌ တပ်စွဲထားသသည်ဟု မြို့ခံများကပြောသည်။ ဖမ်းဆီးခံထားရသော အရပ်သားများနှင့်ပတ်သက်၍ မြို့ခံများက စိုးရိမ်နေကြသည်။
စစ်ကိုင်းတိုင်းအတွင်း ကနီမြို့တွင်လည်း ဩဂုတ်လ ၂၁ရက်က ဖြစ်ပွားသောတိုက်ပွဲတွင် စစ်ကောင်စီတပ်စိတ်မှူးတစ်ဦးကို ပြည်သူ့ကာကွယ်ရေးတပ်ဖွဲ့ဝင်ရများက အရှင်ဖမ်းမိခဲ့သည်။
