မန္တလေးတိုင်း၊ စဥ့်ကူးမြို့နယ်တွင် တစ်ပတ်အတွင်း စစ်ကောင်စီခန့်အုပ်ချူပ်ရေးမှူး နှစ်ဦး အသတ်ခံရကြောင်း သတင်းရရှိသည်။
အောက်တိုဘာ ၂၂ ရက် နံနက် ၉ နာရီခွဲခန့်က စဥ့်ကူးမြို့နယ်၊ ရွှေဒုံးကျေးရွာ၏ စစ်ကောင်စီခန့်အုပ်ချုပ်ရေးမှူး အသက် (၆၀)ခန့်အရွယ် ဦးဗေဒါဆိုသူအား လူတစ်စုက လာရောက်သတ်သွားကြောင်း ဒေသခံများက ပြောသည်။
၎င်းသည် ကျေးရွာတွင်း၌ ပျူစောထီးသင်တန်းတက်ရန် လူစုဆောင်းခြင်း၊ စစ်တပ်ကို သတင်းပေးခြင်း၊ ကျွန်းပေါ်ရွာများ မီးရှို့ဖျက်ဆီးရန် စစ်တပ် လမ်းပြခေါ်ဆောင်လာခြင်း စသည့်လုပ်ရပ်များကြောင့် ပစ်ခတ်ရှင်းလင်းခံရခြင်းဖြစ်နိုင်ကြောင်း ကင်းထောက်မြေပြင်သတင်းအဖွဲ့(စဥ့်ကူး)က ဆိုသည်။
“ကျွန်းပေါ် တွေ စစ်ကြောင်းဝင်ရင် လမ်းပြ၊ ပျူစုဆောင်း ဒလန်အုပ်ကြီးပါ။ အဲ့ရွာက ပျူရွာဖြစ်တော့မှာ။ သင်တန်းတက်ထားတာ။ လက်နက်စောင့်နေကြတာ။”ဟု ကင်းထောက်မြေပြင်သတင်းအဖွဲ့(စဥ့်ကူး)၏ အဖွဲ့ဝင်တစ်ဦးက ပြောသည်။
စဥ့်ကူးမြို့နယ်တွင် အောက်တိုဘာ ၁၇ ရက်ကလည်း ငှက်စားကျေးရွာ စစ်ကောင်စီခန့်အုပ်ချုပ်ရေးမှူး ပစ်ခတ်ရှင်းလင်းခံခဲ့ရသေးသည်။
Public Service Announcement
စဥ့်ကူးနယ်အတွင်း ပြည်သူနှင့်ပူးပေါင်းခြင်းမရှိသည့် စစ်ကောင်စီခန့်အုပ်ချုပ်ရေးမှူးများ၊ စစ်ကောင်စီသတင်းပေးများ၊ ပျူစောထီးများ၏ စာရင်းများရရှိထားပြီး ဆက်လက်ရှင်းလင်းသွားမည်ဟု ဒေသတွင်းတော်လှန်ရေးအင်အားစုများက သတိပေးထားသည်။
