မကွေးတိုင်း၊ နတ်မောက်မြို့နယ်ရှိ စစ်ကောင်စီလက်အောက်ခံ စိုင်ကောင်းရဲစခန်းကို ပျောက်ကြားစနစ်ဖြင့် ဝင်ရောက်ပစ်ခတ်တိုက်ခိုက်ခဲ့ကြောင်း အဖိနှိပ်ခံပြည်သူ့တော်လှန်ရေးအင်အားစု OPRF – PLA မှ တာဝန်ရှိသူတစ်ဦးက ပြောသည်။
ယနေ့(နိုဝင်ဘာ ၇)နေ့လယ် ၁ နာရီခွဲခန့်က နတ်မောက်မြို့နယ်ရှိ စိုင်ကောင်းရဲစခန်းအား OPRF – PLA ရဲဘော်များမှ ပြောက်ကျားစနစ်ဖြင့် ဝင်ရောက်တိုက်ခိုက်ခဲ့ဖြစ်ပြီး ထိခိုက်သေဆုံးရှိနိုင်သည်ဟု ဆိုသည်။
“ကျွန်တော်တို့က ပြောက်ကျားဝင်ပစ်တာဆိုတော့ အချိန်သိပ်မဆွဲတော့ အချိန်ကအလွန်မကြာပါဘူးဗျ။ စစပစ်ပစ်ချင်းပဲ ရန်သူက ပြန်ပစ်တာဆိုတော့ အပြန်အလှန်ပါပဲ။ ရန်သူက ကျွန်တော်တို့ ဆုတ်တဲ့အထိ ပစ်ခတ်နေတုန်းပဲ”ဟု အဖိနှိပ်ခံပြည်သူ့တော် လှန်ရေးအင်အားစု OPRF – PLA တာဝန်ခံ ရဲဘော်ကျော်ကြီးက People’s Spring သို့ ပြောသည်။
စိုင်ကောင်းရဲစခန်းတိုက်ခိုက်မှုတွင် စစ်ကောင်စီတပ်ဖွဲ့ဝင်များက ပြန်လည်ပစ်ခတ်ခဲ့သော်လည်း တော်လှန်ရေးရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း ၎င်းက ဆက်ပြောသည်။
အဖိနှိပ်ခံပြည်သူ့တော်လှန်ရေးအင်အားစု OPRF – PLA အနေဖြင့် ညီနောင်မဟာမိတ်သုံးဖွဲ့ အပါဝင် အရှေ့မြောက်စစ်ဒေသမှသည် နိုင်ငံတဝှမ်း တော်လှန်တပ်ဖွဲ့အသီးသီးမှ ညီညွတ် စုပေါင်းပြီး ရွပ်ရွပ်ချွံချွံတိုက်ပွဲဝင်ကာ ရန်သူ့စခန်များအား ချေမှုန်းတိုက်ခိုက် သိမ်းပိုက်နေကြသည့် Operation 1027 အပေါ် ဝမ်းမြောက်ဂုဏ်ယူကြောင်းလည်း ထုတ်ပြန်ထားသည်။
Public Service Announcement
ထို့ကြောင့် “ပြည်သူ့အကျိုး ဆောင်ကြ” ၊ “ပြည်သူလူထုအတွက် တိုက်ပွဲဝင်ကြ”၊ “ပြည်သူ့ဒီမိုကရေစီလက်နက်ကိုင်တော်လှန်ရေး ဆုံးခန်းတိုင်အောင် ဆင်နွှဲကြ”ဟု OPRF – PLA က နှိုးဆော်ထားသည်။
