စစ်ကောင်စီတပ်သား ၂၀ဦးထက်မနည်းသေ၊ ကရင်နီပြည်၌ ‘၁၁၀၇ စစ်ဆင်ရေး’စတင်ခြင်းဟု အသိပေး
ကရင်နီ(ကယား)ပြည်နယ်၊ မယ်စဲ့မြို့နယ် ပန်တိန်းကျေးရွာရှိ စစ်ကောင်စီစခန်းသုံးခုကို သိမ်းပိုက်နိုင်ခဲ့ပြီး စစ်ကောင်စီတပ်သား ၂၀ဦးထက်မနည်းသေဆုံးကာ လက်နက်ခဲယမ်းအများအပြားသိမ်းဆည်းရရှိကြောင်း ကရင်နီတပ်ပေါင်းစုတာဝန်ရှိသူက လူထုနွေဦးသို့ ပြောသည်။
ယနေ့(နိုဝင်ဘာ ၇ ရက်)နံနက်ပိုင်းကစ၍ ပန်တိန်းကျေးရွာရှိ စစ်ကောင်စီတပ်စွဲထားသော ဆေးရုံ နှင့် ကျောင်း နေရာများကို ကရင်နီတပ်ပေါင်းစုက ပိတ်ဆို့ တိုက်ခိုက်နိုင်ခဲ့ခြင်းဟု ဆိုသည်။
![(ကရင်နီပြည် မယ်စဲ့မြို့နယ်ရှိ စစ်ကောင်စီ၏ ပန်တိန်း စခန်းအပါအဝင် စခန်းကုန်း သုံးခုအား တော်လှန်ရေးတပ်ဖွဲ့များက သိမ်းပိုက်ခဲ့သည်။ ဓာတ်ပုံ - ဖက်ဒရယ်FM)](https://i0.wp.com/www.ludunwayoo.com/wp-content/uploads/2023/11/400320246_675109311354531_977128090782925122_n.jpg?resize=880%2C654&ssl=1)
“စခန်းကုန်းကြီးတော့ ကျန်သေးတယ်။ကျန်တာတွေကိုတော့ ဒီနေ့သိမ်းနိုင်တာဖြစ်တယ်။အ ခြားအသေးစိတ်ကိုတော့ သတင်းထုတ်ပြန်ပါ့မယ်”ဟု အထက်ပါတာဝန်ရှိသူက ရှင်းပြသည်။
ပန်တိန်းရှိ စစ်ကောင်စီ၏ အဓိကစခန်းကုန်းမှာ ယခင်က နယ်ခြားစောင့်တပ် (BGF)နေရာဖြစ်ပြီး (၁၀၀၄)တပ်စခန်းနေရာဖြစ်ကာ အင်အား ၂၀၀ခန့်ရှိနိုင်ကြောင်း ကရင်နီစစ်ရေးသတင်းရင်းမြစ်က အသိပေးသည်။
“တပ်မ(၅၅)က လေကြောင်းကနေ တပ်ရင်းသုံးခုစာလောက် ပို့ထားတာရှိတယ်။ဗျူဟာကုန်းပုံစံပေါ့။ ပတ်ပတ်လည် မိုင်းတွေထောင်ထားတယ်”ဟု ၎င်းက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
မြောက်ပိုင်း မဟာမိတ်၏ ‘၁၀၂၇ စစ်ဆင်ရေး’ဝန်းရံသည့်အနေဖြင့် ‘၁၁၀၇ စစ်ဆင်ရေး’အဖြစ် ကရင်နီပြည်၌ စတင်ဖော်ဆောင်ခြင်းဖြစ်သည်ဟု ဆိုသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)